ലാലിനും പ്രിയദര്‍ശനും എങ്ങനെ മനംമാറ്റമുണ്ടായെന്ന് അറിയില്ല; ദു:ഖമുണ്ടെന്ന് ജഗദീഷ്

മൂന്ന് നടന്മാര്‍ മത്സരിക്കുന്ന മണ്ഡലത്തില്‍ താരങ്ങള്‍ തെരഞ്ഞെടുപ്പ് പ്രചരണത്തിന് പോകരുതെന്ന താരസംഘടനയായ അമ്മയുടെ തീരുമാനം ലംഘിക്കപ്പെട്ടതില്‍ ദുഖമുണ്ടെന്ന് ജഗദീഷ്.

മൂന്ന് നടന്മാര്‍ മത്സരിക്കുന്ന മണ്ഡലത്തില്‍ താരങ്ങള്‍ തെരഞ്ഞെടുപ്പ് പ്രചരണത്തിന് പോകരുതെന്ന താരസംഘടനയായ അമ്മയുടെ തീരുമാനം ലംഘിക്കപ്പെട്ടതില്‍ ദുഖമുണ്ടെന്ന് നടനും പത്തനാപുരത്തെ യുഡിഎഫ് സ്ഥാനാര്‍ഥിയുമായ ജഗദീഷ്. സലിം കുമാര്‍ ഉള്‍പ്പെടെ പലര്‍ക്കും ഇക്കാര്യത്തില്‍ എതിര്‍പ്പുണ്ട്. തെരഞ്ഞെടുപ്പ് പ്രചരണത്തില്‍ പങ്കെടുക്കരുതെന്ന് അമ്മ പറഞ്ഞിട്ടില്ല. പക്ഷേ മൂന്ന് നടന്മാര്‍ മത്സരിക്കുന്നിടത്ത് പ്രചരണത്തിന് പോകരുതെന്ന് നിര്‍ദേശമുണ്ടായിരുന്നു. മോഹന്‍ ലാലും പ്രിയദര്‍ശനും എങ്ങനെ മനംമാറ്റം ഉണ്ടായെന്ന് അറിയില്ലെന്നും ജഗദീഷ് പറഞ്ഞു.