എംകെ മുനീറിനെതിരെ കോണ്‍ഗ്രസ് ഗ്രൂപ്പ് യോഗം

പാര്‍ട്ടിയിലെ പ്രശ്‌നങ്ങള്‍ പരിഹരിക്കാതെ തിരഞ്ഞെടുപ്പ് പ്രവര്‍ത്തനങ്ങളുമായി സഹകരിക്കേണ്ടെന്ന് എ, ഐ ഗ്രൂപ്പുകള്‍

കോഴിക്കോട് സൗത്ത് മണ്ഡലത്തിലെ യുഡിഎഫ് സ്ഥാനാര്‍ത്ഥി എം കെ മുനീറിനെതിരെ കോണ്‍ഗ്രസ് ഗ്രൂപ്പ് യോഗം. സൗത്ത് മണ്ഡലത്തിലെ മാങ്കാവ് ബ്‌ളോക്കിന് കീഴിലെ എ, ഐ ഗ്രൂപ്പ് നേതാക്കളാണ് യോഗത്തില്‍ പങ്കെടുത്തത്. കെപിസിസി പ്രസിഡണ്ട് വിഎം സുധീരനെതിരെയും യോഗത്തില്‍ വിമര്‍ശം ഉയര്‍ന്നു. പാര്‍ട്ടിയിലെ പ്രശ്‌നങ്ങള്‍ പരിഹരിക്കാതെ തിരഞ്ഞെടുപ്പ് പ്രവര്‍ത്തനങ്ങളുമായി സഹകരിക്കേണ്ടെന്നാണ് യോഗ തീരുമാനം.