സരിതയുടെ കത്ത് എഴുതിയത് ഗണേശ്: ജഗദീഷ്സരിതയുടെ കത്ത് എഴുതിയത് ഗണേശ്: ജഗദീഷ്
|ഗണേഷിന്റെ കൈപ്പട തനിക്കറിയാമെന്ന് ജഗദീഷ് പറഞ്ഞു
പത്തനാപുരം സ്ഥാനാര്‍ത്ഥി ഗണേഷ് കുമാറിനെതിരെ രൂക്ഷ വിമര്‍ശനവുമായി ജഗദീഷ്. സരിത പുറത്ത് വിടുന്ന കത്തുകള്‍ക്ക് പിന്നില്‍ ഗണേഷാണെന്ന് ജഗദീഷ് ആരോപിച്ചു. വഴിവിട്ട ജീവിതമാണ് ഗണേഷ് നയിക്കുന്നതെന്നും ജഗദീഷ് പറഞ്ഞു
പത്തനാപുരത്ത് യുഡിഎഫ് പ്രവര്‍ത്തകര്‍ നല്‍കിയ സ്വീകരണം ഏററുവാങ്ങി സംസാരിക്കുകയായിരുന്നു ജഗദീഷ്. ഗണേഷ്‌കുമാര്‍ തന്റെ അടുത്ത സുഹൃത്തായിരുന്നുവെന്ന പറഞ്ഞ ജഗദീഷ് വഴിവിട്ട ജീവിതം നയിക്കുന്നതിനാല്‍ ഇപ്പോള്‍ ഗണേഷുമായി സഹകരിക്കാറില്ലെന്ന് ആരോപിച്ചു. സരിത പുറത്ത് വിടുന്ന കത്തുകള്‍ക്ക് പിന്നില്‍ പ്രവര്‍ത്തിക്കുന്നത് ഗണേഷ്‌കുമാറാണ്. സ്‌ഫോടക വസ്തുവായി സരിതയെ ഗണേഷ് ഉപയോഗിക്കുകയാണെന്നും ജഗദീഷ് പറഞ്ഞു
സ്ഥാനാര്‍ത്ഥിത്വം ഉറപ്പിച്ച ശേഷം ആദ്യമായി പത്തനാപുരത്ത് എത്തിയ ജഗദീഷിന് ഉജ്ജ്വല സ്വീകരണമാണ് യുഡിഎഫ് പ്രവര്‍ത്തകര്‍ ഒരുക്കിയത്. മണ്ഡലത്തിന്റെ അതിര്‍ത്തിയായ വാളകത്ത് നിന്നും ഡിസിസി പ്രസിഡന്റ് കൊടിക്കുന്നില്‍ സുരേഷിന്റെ നേതൃത്വത്തില്‍ 100 കണക്കിന പ്രവര്‍ത്തകരുടെയും വാഹനങ്ങളുടെയും അകമ്പടിയോടെയാണ് ജഗദീഷിനെ സ്വീകരിച്ച് പത്തനാപുരത്തേക്ക് കൊണ്ട് പോയത്.