ഷുഹൈബ് വധക്കേസില്‍ സിബിഐ അന്വേഷണം വേണമെന്ന് പിതാവ്

കേസ് നിഷ്പക്ഷമായി അന്വേഷിച്ചാല്‍ സെക്രട്ടേറിയറ്റിലേക്കും എകെജി സെന്ററിലേക്കും അന്വേഷണം എത്തുമെന്ന് കെ മുരളീധരന്‍ എംഎല്‍എ

ഷുഹൈബ് വധക്കേസില്‍ സിബിഐ അന്വേഷണം വേണമെന്ന് കുടുംബം. നിലവിലെ അന്വേഷണം തൃപ്തികരമല്ലെന്നും പിതാവ് മുഹമ്മദ് പറഞ്ഞു. കേസിലെ പ്രതികളെ പിടിക്കാത്തത് സര്‍ക്കാറിന്‍റെ പരാജയമാണെന്ന് പ്രതിപക്ഷനേതാവ് ചെന്നിത്തല കുറ്റപ്പെടുത്തി. കേസിലെ പ്രതികളെ പിടികൂടാത്തതില്‍ പ്രതിഷേധിച്ച് കോണ്‍ഗ്രസ് സമരം ശക്തമാക്കി.

അതേസമയം കേസ് നിഷ്പക്ഷമായി അന്വേഷിച്ചാല്‍ സെക്രട്ടേറിയറ്റിലേക്കും എകെജി സെന്ററിലേക്കും അന്വേഷണം എത്തുമെന്ന് കെ മുരളീധരന്‍ എംഎല്‍എ കുറ്റപ്പെടുത്തി. മുഖ്യമന്ത്രിയും പാര്‍ട്ടി സെക്രട്ടറിയെ അറിയാതെ കണ്ണൂരില്‍ ഒന്നും നടക്കില്ല. കേരള ഗവര്‍ണര്‍ മൌനം പാലിക്കുന്നെന്നും മുരളീധരന്‍ കുറ്റപ്പെടുത്തി.