മലപ്പുറം വിവാദ പരാമര്‍ശം, തന്റെ വാക്കുകള്‍ വളച്ചൊടിച്ചതെന്ന് കടകംപള്ളി

മലപ്പുറം തിരഞ്ഞെടുപ്പ് പരാജയത്തിന്റെ പല കാരണങ്ങള്‍ പറഞ്ഞ കൂട്ടത്തിലാണ് മലപ്പുറം മണ്ഡലം ന്യൂനപക്ഷ വര്‍ഗീയതയുടെ ശാക്തീകരണം വരുന്ന മേഖല കൂടിയാണെന്നാണ് പറഞ്ഞത്...

മലപ്പുറം സംബന്ധിച്ച് വിവാദ പരാമര്‍ശം നടത്തിയ സംഭവത്തില്‍ ന്യായീകരണവുമായി മന്ത്രി കടകംപള്ളി സുരേന്ദ്രന്‍. മലപ്പുറം വര്‍ഗീയ മേഖലയാണെന്ന് ഞാന്‍ പറഞ്ഞതായി ഒരു ചാനല്‍ തെറ്റിദ്ധാരണ പരത്തുകയാണ്.

മലപ്പുറം തിരഞ്ഞെടുപ്പ് പരാജയത്തിന്റെ പല കാരണങ്ങള്‍ പറഞ്ഞ കൂട്ടത്തിലാണ് മലപ്പുറം മണ്ഡലം ന്യൂനപക്ഷ വര്‍ഗീയതയുടെ ശാക്തീകരണം വരുന്ന മേഖല കൂടിയാണെന്നാണ് പറഞ്ഞത്. മുസ്‌ലിം ലീഗ് അവിടെ ന്യൂനപക്ഷ വര്‍ഗീയ അടിസ്ഥാനത്തിലുള്ള പ്രചാരണമാണ് നടത്തിയത്. ആ അര്‍ത്ഥത്തില്‍ താന്‍ പറഞ്ഞത് വളച്ചൊടിച്ച് കുപ്രചരണം നടത്തുകയാണ് ഒരു ചാനലും ചില ഓണ്‍ലൈന്‍ മാധ്യമങ്ങളുമെന്ന് മന്ത്രി കടകംപള്ളി സുരേന്ദ്രന്‍ ഫെയ്‌സ്ബുക്കില്‍ കുറിച്ചു.