ചെങ്ങന്നൂര്‍ ഉപതെരഞ്ഞെടുപ്പ്; പ്രചാരണത്തിന് ആവേശം പകരാൻ വ്യത്യസ്തമായ മുദ്രാവാക്യങ്ങള്‍

വിശാലമായ അർത്ഥം ഉൾക്കൊള്ളുന്ന ചെറു വാചകങ്ങളാണ് ഇതിനായി ഉപയോഗിക്കുന്നത്

ചെങ്ങന്നൂരിലെ തെരഞ്ഞെടുപ്പ് പ്രചാരണത്തിന് ആവേശം പകരാൻ വ്യത്യസ്തമായ മുദ്രാവാക്യങ്ങളാണ് വിവിധ മുന്നണികൾ മണ്ഡലത്തില്‍ പരീക്ഷിക്കുന്നത്. വിശാലമായ അർത്ഥം ഉൾക്കൊള്ളുന്ന ചെറു വാചകങ്ങളാണ് ഇതിനായി ഉപയോഗിക്കുന്നത്.

എല്‍ഡിഎഫ് വരും എല്ലാം ശരിയാകും കഴിഞ്ഞ നിയമസഭ തെരഞ്ഞെടുപ്പ് കാലത്ത് ഇതാണ് ഇടതുമുന്നണിയെ തുണച്ചതെങ്കിൽ വികസന പ്രശ്നങ്ങളാണ് ചെങ്ങന്നൂരിലെ പ്രചരണ ആയുധം. വികസനം ഇടവേളകളില്ലാതെ, വികസനത്തിന് ഒരോട്ട് സജിക്കൊരോട്ട് എന്നിങ്ങനെയാണ് മുദ്രാവാക്യം. ചെങ്ങന്നൂരിൽ ഡി. വിജയകുമാറിന്റെ ജനകീയതയിൽ ഊന്നി നാടിന്റെ നേര് വിജയിക്കുമെന്ന് യുഡിഎഫ് പറയുന്നു. വടക്കേ ഇന്ത്യൻ സംസ്ഥാനങ്ങളിലെ രാഷ്ട്രീയ മാറ്റങ്ങളിലാണ് ബിജെപിയുടെ പ്രതീക്ഷ.