സമരം പോലെയല്ല ഭരണമെന്ന് ഇടത് മുന്നണി മനസ്സിലാക്കി: ഉമ്മന്‍ചാണ്ടി

പാഠപുസ്തകം വൈകിയതിന് എതിരെ സമരം ചെയ്തവര്‍ ഓഗസ്റ്റ് അവസാനമായിട്ടും പാഠപുസ്തകം വിതരണം ചെയ്തില്ല

സമരം പോലെയല്ല ഭരണം എന്ന് ഇടത് മുന്നണി മനസ്സിലാക്കിയതായി ഉമ്മന്‍ചാണ്ടി. പ്രതിപക്ഷത്തിരുന്ന് സമരം ചെയ്തതും ജനങ്ങളുടെ മനസ്സിലുണ്ട്. പാഠപുസ്തകം വൈകിയതിന് എതിരെ സമരം ചെയ്തവര്‍ ഓഗസ്റ്റ് അവസാനമായിട്ടും പാഠപുസ്തകം വിതരണം ചെയ്തില്ല. നിയമന നിരോധത്തിനെതിരെ സമരം ചെയ്തവര്‍ ഇപ്പോള്‍ അതിനെക്കുറിച്ച് മിണ്ടുന്നില്ല. മെഡിക്കല്‍, ദന്തല്‍ പ്രവേശത്തില്‍ സര്‍ക്കാരിന് നിരുത്തരവാദിത്തമായ നിലപാടെന്നും ഉമ്മന്‍ചാണ്ടി വിമര്‍ശിച്ചു. യൂത്ത് കോണ്‍ഗ്രസിന്റെ കോവളം മണ്ഡലം കമ്മിറ്റി പഠന കാമ്പ് ഉദ്ഘാടനം ചെയ്യുകയായിരുന്നു ഉമ്മന്‍ചാണ്ടി.