ഓണാവധിയും ആഘോഷങ്ങളും ആസ്വദിച്ച് ഇതരസംസ്ഥാനക്കാര്‍

തിരക്കിട്ട ജോലിക്കിടെ ലഭിച്ച ഒരാഴ്ചത്തെ വിശ്രമവും ആഘോഷക്കാഴ്ചകളും ഇവര്‍ ശരിക്കും ആസ്വദിച്ചു.

ഓണാവധിയും ആഘോഷങ്ങളും ഏറ്റവും അനുഗ്രഹമായത് സംസ്ഥാനത്തെ ഇതര സംസ്ഥാന തൊഴിലാളികള്‍ക്കാണ്. തിരക്കിട്ട ജോലിക്കിടെ ലഭിച്ച ഒരാഴ്ചത്തെ വിശ്രമവും ആഘോഷക്കാഴ്ചകളും ഇവര്‍ ശരിക്കും ആസ്വദിച്ചു.

തിരുവനന്തപുരത്തെ ഓണാഘോഷവും ഘോഷയാത്രയുമൊക്കെ കണ്ട് അന്തംവിട്ടു നില്‍ക്കുകയാണ് ഉത്തരേന്ത്യക്കാര്‍. ഫ്ലോട്ടുകളും മറ്റും അത്രക്കങ്ങ് മനസ്സിലായില്ലെങ്കിലും നിറമുള്ള ഈ കാഴ്ചകള്‍ മിക്കവര്‍ക്കും പുതിയ അനുഭവം. നിര്‍മാണ മേഖലയില്‍ പണിയെടുക്കുന്നവരാണ് അധികവും.

കടുത്ത, വിശ്രമമില്ലാത്ത ജോലിക്കിടെ വീണുകിട്ടിയ ഏഴ് നാള്‍ അവധി. ബോണസായി നഗരത്തിലെ ഓണാഘോഷവും. കിട്ടിയ അവസരം നന്നായി മുതലാക്കി.