ബി.ജെ.പിക്ക് പിന്തുണ അറിയിച്ച് നടി ശോഭന
|നാളത്തെ പ്രധാന മന്ത്രിയുടെ തെരഞ്ഞെടുപ്പ് പരിപാടിയിലും ശോഭന പങ്കെടുക്കും
തിരുവനന്തപുരം: തിരുവന്തപുരത്തെ എന്‍.ഡി.എ സ്ഥാനാര്‍ത്ഥി രാജീവ് ചന്ദ്രശേഖറെ പിന്തുണക്കുന്നുവെന്ന് നടി ശോഭന. ബി.ജെ.പിക്ക് പിന്തുണ അറിയിച്ച നടി അംഗത്വം എടുക്കുന്നതില്‍ കൃത്യമായ മറുപടി നല്‍കിയില്ല. എന്നാൽ വീടും കുടുംബവും വിട്ട് താനിവിടെ വന്നതിന്റെ അർഥമെന്തെന്ന ചോദ്യമായിരുന്നു ശോഭനയുടെ മറുപടി. എൻ.ഡി.എ സ്ഥാനാർഥി രാജീവ് ചന്ദ്രശേഖൻ വിളിച്ചുചേർത്ത വാർത്താ സമ്മേളനത്തിൽ പങ്കെടുത്തായിരുന്നു ശോഭനയുടെ പ്രതികരണം. നാളത്തെ പ്രധാന മന്ത്രിയുടെ പരിപാടിയിലും ശോഭന പങ്കെടുക്കും.
അവധി ദിവസങ്ങളുടെ ഇടവേളകള്‍ക്ക് ശേഷം സംസ്ഥാനത്ത് തെരഞ്ഞെടുപ്പ് പ്രചാരണം ശക്തമായി. നാളെ പ്രധാനമന്ത്രി കേരളത്തില്‍ എത്തുന്നതോടെ പ്രചാരണം കൂടുതല്‍ സജീവമാവും. ആലത്തൂര്‍ മണ്ഡലത്തിലെ കുന്നംകുളത്തും ആറ്റിങ്ങല്‍ മണ്ഡലത്തിലെ കാട്ടാക്കടയിലുമാണ് പ്രധാനമന്ത്രി നരേന്ദ്രമോദിയുടെ നാളത്തെ തെരഞ്ഞെടുപ്പ് പ്രചാരണം. അവസാന ഘട്ട പ്രചാരണം കൊഴുപ്പിക്കാന്‍ ദേശീയ നേതാക്കളുടെ നിര തന്നെ സംസ്ഥാനത്തേക്ക് എത്തും.