'കേരളത്തിലെ ഇടതുപക്ഷത്തിന്റെ പ്രശ്‌നം ചിലരുടെ പ്രമാണിത്തവും താൻപോരിമയുമാണ്'; വിമർശനവുമായി സി. ദിവാകരൻ

തിരുവനന്തപുരം: കേരളത്തിലെ ഇടതുപക്ഷത്തിന്റെ പ്രശ്‌നം ചില വ്യക്തികളുടെ പ്രമാണിത്തവും താൻപോരിമയുമാണെന്ന് സിപിഐ നേതാവ് സി. ദിവാകരൻ. മാർക്‌സിന്റെ അച്ഛനെപ്പോലെയാണ് ഇവിടെ പലരും പെരുമാറുന്നത്. ജനം രാഷ്ട്രീയം സസൂക്ഷമം നിരീക്ഷിക്കുന്നുണ്ട്. എല്ലാം ജനം കാണുന്നുണ്ട്. ഇടതുപക്ഷത്തിന്റെ പോക്കിൽ ആർക്കും നിരാശ വേണ്ടെന്നും അദ്ദേഹം പറഞ്ഞു.

കോൺഗ്രസിനും ബിജെപിക്കുമൊന്നും അധികകാലം നിലനിൽപ്പില്ല. ഇന്ത്യയിൽ അതിവേഗം ഇടതുപക്ഷം തിരിച്ചുവരും. കേരളത്തിൽ ആർഎസ്പിക്ക് അടക്കം ഇതിൽ വലിയ പങ്കുവഹിക്കാനാവുമെന്നും ദിവാകരൻ പറഞ്ഞു.