ജില്ലാ പ്രസിഡണ്ട് പ്രസംഗിക്കുമ്പോള്‍ മൈക്ക് തട്ടിത്തെറിപ്പിച്ചു; എറണാകുളത്ത് മുസ്‍ലിം ലീഗ് യോഗത്തിൽ സംഘർഷം

കൊച്ചി: എറണാകുളത്ത് മുസ്‍ലിം ലീഗ് യോഗത്തില്‍ സംഘർഷം. ജില്ലാ പ്രസിഡണ്ട് ഹംസ പറക്കാട്ടില്‍ പ്രസംഗിക്കുമ്പോള്‍ യൂത്ത് ലീഗ് ജില്ലാ വൈസ് പ്രസിഡണ്ട് മൈക്ക് തട്ടിത്തെറിപ്പിച്ചു. വിഭാഗീയതയെ കുറിച്ച് സംസാരിക്കുന്നതിനിടെയാണ് എതിർപക്ഷം സ്റ്റേജ് കയ്യേറിയത്.

സംഘർഷത്തില്‍ നാല് പേർക്ക് പരിക്കേറ്റു.എറണാകുളത്ത് കബീർ - ഇബ്രാഹിംകുഞ്ഞ് ഗ്രൂപ്പ് തർക്കം രൂക്ഷമായതിന് പിറകേയാണ് സംഘർഷം.