പോക്‌സോ കേസ്: മാത്യു കുഴല്‍ നാടന്‍ പ്രതികളെ സംരക്ഷിക്കുന്നുവെന്ന് ഡി.വൈ.എഫ്.ഐ

എറണാകുളത്തെ പീഡനക്കേസ് പ്രതികളെ മാത്യു കുഴല്‍നാടന്‍ എം.എല്‍.എ സംരക്ഷിക്കുകയാണെന്ന് ഡി.വൈ.എഫ്.ഐ സംസ്ഥാന സെക്രട്ടറി എ.എ റഹീം. പ്രതികളെല്ലാം യൂത്ത് കോണ്‍ഗ്രസുകാരാണ്. ഇവര്‍ എവിടെയെന്ന് മാത്യു കുഴല്‍നാടനറിയാം. അദ്ദേഹമാണ് പ്രതികളെ സംരക്ഷിക്കുന്നതെന്നും റഹീം ആരോപിച്ചു.

ഇതുവരെ പ്രതികളെ യൂത്ത് കോണ്‍ഗ്രസ് പുറത്താക്കിയിട്ടില്ല. പോക്‌സോ കേസ് പ്രതിയെ സംരക്ഷിക്കുന്ന നിലപാടാണ് പ്രതിപക്ഷനേതാവിന്റെത്. ഇതിനെതിരെ ഡി.വൈ.എഫ്.ഐ പ്രചാരണം നടത്തും.

മാത്യു കുഴല്‍നാടന്‍ ചെയ്തത് എം.എല്‍.എയുടെ ധാര്‍മ്മികതക്ക് നിരക്കുന്നതല്ല. പ്രതിക്ക് വേണ്ടി പരസ്യമായി പ്രചരണം നടത്തുകയാണ് യൂത്ത് കോണ്‍ഗ്രസ്. പോക്‌സോ കേസ് പ്രതിക്ക് വേണ്ടിയാണ് ക്രിയാത്മക പ്രതിപക്ഷം പ്രവര്‍ത്തിക്കുന്നതെന്നും റഹീം പരിഹസിച്ചു.