'എ.കെ.ജി സെന്‍റര്‍ ആക്രമണത്തിന് പിന്നിൽ സമർത്ഥരായ കുറ്റവാളികൾ'; പിടികൂടാൻ സമയം എടുത്തേക്കുമെന്ന് ഇ.പി ജയരാജന്‍

തിരുവനന്തപുരം: എ.കെ.ജി സെന്റർ ആക്രമണത്തിൽ അക്രമികളെ പെട്ടെന്ന് പിടികൂടുമെന്ന് എൽ.ഡി.എഫ് കൺവീനർ ഇ പി ജയരാജൻ. സമർഥരായ കുറ്റവാളികളാണ് ആക്രമണത്തിന് പിന്നിലെന്ന് വ്യക്തമാണ്. അതുകൊണ്ട് പ്രതിയെ പിടികൂടാൻ സമയം എടുക്കുമെന്നും ഇ പി ജയരാജൻ മാധ്യമങ്ങളോട് പറഞ്ഞു.

ഓര്‍ഡിനസില്‍ ഒപ്പിടാത്ത ഗവർണറുമായി സർക്കാർ ഏറ്റുമുട്ടലിനില്ലെന്നും ജയരാജൻ പറഞ്ഞു. 'ഗവർണറുമായി ശത്രുതാ സമീപനമില്ല. ഒപ്പിടാത്ത തീരുമാനത്തിന് പിന്നിൽ രാഷ്ട്രീയമുണ്ടോയെന്ന് ഗവർണറോട് ചോദിക്കണം. കോഴിക്കോട് മേയർക്കെതിരെ നടപടി വേണമോയെന്ന് ജില്ലാ നേതൃത്വം തീരുമാനിക്കുമെന്നും ഇ.പി ജയരാജൻ പറഞ്ഞു.