'അമേരിക്കയുടെ ബലത്തിലാണ് ലോകതെമ്മാടിയായി ഇസ്രായേൽ പ്രവർത്തിക്കുന്നത്': മുഖ്യമന്ത്രി

വയനാട്: ഫലസ്തീൻ വിഷയത്തിൽ പ്രതികരണവുമായി മുഖ്യമന്ത്രി പിണറായി വിജയൻ. 'ഫലസ്തീനോട് കൃത്യമായ നിലപാട് സ്വീകരിച്ചു പോകുന്ന രാജ്യമാണ് നമ്മുടേത്. സാമ്രാജ്യത്വവിരു​ദ്ധസമീപനത്തിൻ്റെ ഭാ​ഗമായാണ് അത്. എല്ലാ കാലത്തും ഇസ്രായേലിനെ പിൻതാങ്ങിയത് അമേരിക്കയാണ്. ആ ബലത്തിലാണ് ലോകതെമ്മാടിയായി ഇസ്രായേൽ പ്രവർത്തിക്കുന്നത്.'- മുഖ്യമന്ത്രി പറഞ്ഞു.

'ലോകത്തെ ഭൂരിപക്ഷം രാഷ്ട്രങ്ങളും യുഎന്നിൻ്റെ ജനറൽ അസംബ്ലിയിൽ ഒന്നിച്ച് ഇസ്രായേലിനോട് ഈ കുരുതി അവസാനിപ്പിക്കൂ എന്ന് ആവശ്യപ്പെട്ടു. എന്നാൽ ഇന്ത്യ വോട്ടെടുപ്പിൽ നിന്ന് മാറി നിന്നു. ആർഎസ്എസ് നേതൃത്വം കൊടുക്കുന്ന ബിജെപിയാണ് അതിന് പിന്നിൽ. ആർഎസ്എസും സയണിസ്റ്റും ഇരട്ടപെറ്റ സഹോദരങ്ങളാണ്. വർ​ഗീയതയുടെയും സാമ്രാജ്യത്വത്തിൻ്റെയും പ്രശ്നം വരുമ്പോൾ വലിയ വ്യത്യാസില്ലാത്ത നിലപാടാണ് കോൺ​ഗ്രസിൻ്റെ ഭാ​ഗത്തുനിന്ന് കാണുന്നത്. ഫലസ്തീൻ ഐക്യദാർഢ്യപ്രശ്നം കുറച്ചു നാളുകൾക്ക് മുൻപ് ഉയർന്നു വന്നപ്പോൾ ഇടതുപക്ഷം അതിൻ്റെ കൂടെ നിന്നു.'- പിണറായി കൂട്ടിച്ചേർത്തു.