പന്തളത്ത് മാധ്യമപ്രവർത്തകരെ കോൺഗ്രസ് പ്രവർത്തകർ കയ്യേറ്റം ചെയ്തു

പന്തളം: മാധ്യമപ്രവർത്തകരെ കോൺഗ്രസ് പ്രവർത്തകർ കയ്യേറ്റം ചെയ്തു. പ്രതിപക്ഷ നേതാവ് വി.ഡി.സതീശൻ മാധ്യമങ്ങളോട് സംസാരിക്കുമ്പോഴാണാണ് കൈരളി ടി.വി റിപ്പോർട്ടർ സുജു ടി ബാബുവിനെ പ്രവർത്തകർ കയ്യേറ്റം ചെയ്തത്. അതിക്രമം കാണിച്ച കോൺഗ്രസ് പ്രവർത്തകരെ വി.ഡി സതീശൻ നേരിട്ടെത്തി വിമർശിക്കുകയും ​ശാസിക്കുകയും ചെയ്തു.

കഴിഞ്ഞി ദിവസം ഉണ്ടായ സംഘർഷത്തിൽ പരിക്കേറ്റ കോൺഗ്രസ് പ്രവർത്തകരെ സന്ദർശിക്കാനെത്തിയതായിരുന്നു പ്രതിപക്ഷ നേതാവ്. സംഘർഷത്തെക്കുറിച്ച് പ്രതിപക്ഷനേതാവിനോട് ചോദ്യം ചോദിച്ചതിനാണ് കയ്യേറ്റമുണ്ടായത്.

സെക്രട്ടറിയേറ്റിൽ മീഡിയവൺ സംഘത്തെ ഒരു വിഭാഗം ഉദ്യോഗസ്ഥർ ​കൈയേറ്റം ചെയ്തു. സെക്രട്ടറിയേറ്റ് ജീവനക്കാരുടെ നേതൃത്വത്തിലാണ് കൈയേറ്റം നടന്നത്. സെക്രട്ടറിയേറ്റിലെ ജീവനക്കാർ തമ്മിൽ നടന്ന കയ്യാങ്കളി ചിത്രീകരിച്ചതിന് പിന്നാലെയാണ് മാധ്യമ​പ്രവർത്തകർക്ക് നേരെ കൈയേറ്റം ഉണ്ടായത്.

മീഡിയ വൺ റിപ്പോർട്ടർ മുഹമ്മദ് ആഷിക് , ക്യാമറാമാൻ സിജോ സുധാകരൻ,ഡ്രൈവർ സജിൻലാൽ എന്നിവർക്ക് നേരെയാണ് കയ്യേറ്റം ഉണ്ടായത്. ജീവനക്കാരുടെ തർക്കം ചിത്രീകരിച്ചാൽ ക്യാമറ തല്ലിപ്പൊട്ടിക്കും എന്ന് ഭീഷണിപ്പെടു​ത്തി. തർക്കം ചിത്രീകരിച്ചാൽ കൈവെക്കുമെന്നായിരുന്നു ഒരു ഉദ്യോഗസ്ഥന്റെ ഭീഷണി.