കരുവന്നൂർ ബാങ്ക് തട്ടിപ്പ് കേസ്; എ.സി മൊയ്‌തീനെ ഇ ഡി വീണ്ടും ചോദ്യം ചെയ്തേക്കും

എറണാകുളം: കരുവന്നൂർ ബാങ്ക് തട്ടിപ്പിലെ കള്ളപ്പണ ഇടപാട് കേസിൽ മുൻ മന്ത്രി എ സി മൊയ്‌തീനെ ഇ ഡി വീണ്ടു ചോദ്യം ചെയ്തേക്കും. ആദ്യ മൊഴി വിശദമായി പരിശോധിച്ച ശേഷമാകും വീണ്ടും വിളിച്ചു വരുത്തി ചോദ്യം ചെയ്യുക. ബിനാമി ലോണുകൾ അനുവദിക്കാൻ നിർദ്ദേശം നൽകിക്കൊണ്ട് എസി മൊയ്തീൻ സാമ്പത്തിക നേട്ടമുണ്ടാക്കിയോ എന്നുള്ളതാണ് ഇ ഡി പ്രധാനമായും പരിശോധിക്കുന്നത്. ആവശ്യക്കാർക്ക് ലോൺ അനുവദിക്കാൻ നിർദേശം നൽകുക മാത്രമാണ് താൻ ചെയ്തതെന്നും വഴിവിട്ട ഇടപാടുകൾ നടന്നിട്ടില്ലെന്നും ആണ് മൊയ്തീൻ ഇ ഡിക്ക് നൽകിയ മൊഴി. മൊയ്തീൻ നൽകിയ രേഖകളുടെ കൂടി അടിസ്ഥാനത്തിൽ ഇന്നലെ 10 മണിക്കൂറോളം ആണ് ഇ ഡി ചോദ്യം ചെയ്തത്.