ബഫര്‍ സോണ്‍ വിഷയത്തില്‍ ഇടുക്കിയില്‍ നാളെ എല്‍.ഡി.എഫ് ഹര്‍ത്താല്‍

ഇടുക്കി: ബഫർ സോൺ വിഷയത്തിൽ ഇടുക്കി ജില്ലയിൽ നാളെ എൽ.ഡി.എഫ് ഹർത്താലിന് ആഹ്വാനം ചെയ്തു. 16ന് യു.ഡി.എഫും ഹർത്താൽ നടത്തും.സംരക്ഷിത വനമേഖലക്ക് ചുറ്റും ഒരു കിലോമീറ്റർ പരിസ്ഥിതി ലോല മേഖലയാക്കിയ സുപ്രീം കോടതി വിധിക്കെതിരെയും ഇക്കാര്യത്തിൽ കേന്ദ്ര ഇടപെടൽ ആവശ്യപ്പെട്ടുമാണ് ഹർത്താൽ. ഭൂമിശാസ്ത്രപരമായ പ്രത്യേകതകളുള്ള ഇടുക്കിയിൽ സുപ്രീംകോടതി വിധി ജനവാസ മേഖലകളെ പ്രതികൂലമായി ബാധിക്കുമെന്നതിനാൽ കേന്ദ്രസർക്കാരിന്‍റെ അടിയന്തര ഇടപെടലുണ്ടാകണമെന്നാണ് എൽ.ഡി.എഫിന്‍റെ ആവശ്യം.

ജില്ലയിലെ ഭൂമി പതിവ് ചട്ടങ്ങൾ ഭേദഗതി ചെയ്യാത്ത സംസ്ഥാന സർക്കാർ പരിസ്ഥിതി ലോല വിഷയത്തിൽ ഇരട്ടത്താപ്പ് നയമാണ് സ്വീകരിക്കുന്നതെന്നും ബഫർ സോൺ വിഷയത്തിൽ കേന്ദ്ര സംസ്ഥാന സർക്കാരുകളുടെ നിസംഗതക്കെതിരെയാണ് ഹർത്താലെന്ന് യു.ഡി.എഫും വ്യക്തമാക്കി.