Kerala
Kerala
എംബിബിഎസിന് ഇതരസംസ്ഥാനക്കാർക്കും പ്രവേശനം നൽകാൻ അനുവദിക്കണം; മാനേജ്‌മെന്റുകൾ സുപ്രിംകോടതിയിൽ
|27 Oct 2022 9:48 AM GMT
2022-23 അധ്യയന വർഷത്തെ മെഡിക്കൽ പ്രവേശനത്തിന് എൻട്രൻസ് കമ്മീഷണർ പുറത്തിറക്കിയ പ്രോസ്‌പെക്ടസ് ചോദ്യം ചെയ്താണ് ഹരജി.
ന്യൂഡൽഹി: സ്വാശ്രയ മെഡിക്കൽ കോളജുകളിലെ എംബിബിഎസ് കോഴ്‌സുകളിലേക്ക് ഇതരസംസ്ഥാന വിദ്യാർഥികളെയും പ്രവേശിപ്പിക്കാൻ അനുവദിക്കണമെന്ന് ആവശ്യപ്പെട്ട് സുപ്രിംകോടതിയിൽ ഹരജി. സംസ്ഥാനത്തെ സ്വാശ്രയ മെഡിക്കൽ കോളജ് മാനേജ്‌മെന്റ് അസോസിയേഷൻ ആണ് സുപ്രിംകോടതിയിൽ ഹരജി ഫയൽ ചെയ്തത്.
2022-23 അധ്യയന വർഷത്തെ മെഡിക്കൽ പ്രവേശനത്തിന് എൻട്രൻസ് കമ്മീഷണർ പുറത്തിറക്കിയ പ്രോസ്‌പെക്ടസ് ചോദ്യം ചെയ്താണ് ഹരജി. പ്രോസ്‌പെക്ടസ് പ്രകാരം എംബിബിഎസ് പ്രവേശനം ലഭിക്കണമെങ്കിൽ കേരളത്തിൽ ജനിച്ചവരോ, സ്ഥിരതാമസക്കാരോ ആവണമെന്ന് നിബന്ധനയുണ്ട്. ഇതിനെതിരെയാണ് സ്വാശ്രയ മാനേജ്‌മെന്റ് കോടതിയെ സമീപിച്ചിരിക്കുന്നത്.