മീഡിയവൺ വിലക്ക് ചോദ്യം ചെയ്ത ഹരജിയിൽ സുപ്രീംകോടതി ഇന്ന് വാദം കേൾക്കും

ഡല്‍ഹി: മീഡിയവൺ സംപ്രേഷണ വിലക്ക് ചോദ്യം ചെയ്ത ഹരജിയിൽ സുപ്രീംകോടതി ഇന്ന് വാദം കേൾക്കും. വിലക്കിലേക്ക് നയിച്ച കാരണങ്ങൾ വ്യക്തമാക്കി സത്യവാങ്മൂലം സമർപ്പിക്കണമെന്ന് കോടതി കേന്ദ്രസർക്കാരിന് നിർദേശം നൽകിയിരുന്നു.

നാലാഴ്ച കൂടി സമയം കൂട്ടിചോദിച്ച് കേന്ദ്രസർക്കാർ ഇന്നലെ അപേക്ഷ സമർപ്പിച്ചിരുന്നു. കേന്ദ്ര സര്‍ക്കാര്‍ അഭിഭാഷകനായ അമരീഷ് കുമാറാണ് സുപ്രീംകോടതി രജിസ്ട്രാര്‍ക്ക് കത്ത് നല്‍കിയത്.കഴിഞ്ഞ മാസം 30 വരെയായിരുന്നു മറുപടി നൽകാൻ കോടതി സമയം അനുവദിച്ചിരുന്നത്.