കണ്ണൂർ പാൽചുരത്തിൽ ഇലക്ട്രിക് ലൈനിന് മുകളിലേക്ക് ലോറിമറിഞ്ഞു; ഒരാൾ മരിച്ചു

കണ്ണൂർ: പാൽചുരം റോഡിൽ ലോറി മറിഞ്ഞ് ഒരാൾ മരിച്ചു. പരിക്കേറ്റയാളുടെ നില അതീവ ഗുരുതരമാണ്. ആശ്രമം ജംങ്ഷനിൽ ഇലക്ട്രിക് ലൈനിന് മുകളിലേക്ക് ലോറി തലകീഴായി മറിയുകയായിരുന്നു. രാവിലെ ഏഴ് മണിയോടെയായിരുന്നു അപകടം. കർണാടകയിൽ നിന്നും നിർമാണ വസ്തുക്കളുമായി വന്ന ലോറിയാണ് മറിഞ്ഞത്.

ഏറെ നേരത്തെ ശ്രമത്തിനൊടുവിലാണ് വാഹനത്തിൽ കുടുങ്ങിക്കിടന്ന രണ്ടു പേരെ പുറത്തെടുത്തത്. എന്നാൽ സംഭവസ്ഥലത്തുവെച്ച് തന്നെ ഒരാൾ മരിച്ചിരുന്നു. തമിഴ്‌നാട് സ്വദേശികളായ ഇവരുടെ പേരു വിവരങ്ങൾ ലഭ്യമല്ല. സ്ഥലത്ത് ഗതാഗതം പൂർണമായും തടസപ്പെട്ടു. ക്രെയിൻ ഉപയോഗിച്ച് വാഹനം നീക്കാനിള്ള ശ്രമങ്ങൾ തുടരുകയാണ്.