സലാല ഇന്ത്യൻ സ്‌കൂളിലെ മുൻ വിദ്യാർഥി വാഹനാപകടത്തിൽ മരിച്ചു

സലാല: ഇന്ത്യൻ സ്‌കൂൾ സലാലയിലെ മുൻ അധ്യാപിക യാസ്മിൻ റഷീദിന്റെയും, ഗസ്സാനി സ്‌പോർട്‌സ് മാനേജർ റഷീദിന്റെയും മകൻ പുത്തൻ വീട്ടിൽ മിസ്ബാഹ് നാട്ടിൽ നിര്യാതനായി. തൃശൂർ ജില്ലയിലെ വാടാനപ്പള്ളി എടശ്ശേരി സ്വദേശിയാണ്. ചേറ്റുവ പാലത്തിൽ വെച്ച് ഇന്ന് രാവിലെ 9.30 ഓടെയാണ് അപകടം. മിസ്ബാഹ് സഞ്ചരിച്ചിരുന്ന സ്‌കൂട്ടറിൽ ഓട്ടോറിക്ഷ ഇടിച്ചാണ് അപകടം. മണപ്പുറം ആംബുലൻസ് പ്രവർത്തകർ ഉടനെ തന്നെ ചാവക്കാട്ടെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. എൽഎൽബി വിദ്യാർഥിയാണ്. റഷീദും കുടുംബവും കുറച്ച് നാളായി നാട്ടിലാണുള്ളത്. സഹോദരങ്ങൾ : മിസ്അബ് ഖത്തർ, ബാസിമ (വിദ്യാർഥി )