എടവനക്കാട് മേഖലയിൽ കടൽക്ഷോഭം രൂക്ഷം; റോഡ് ഉപരോധിച്ച് ജനകീയ സമിതി

കൊച്ചി: എടവനക്കാട് മേഖലയിൽ കടൽക്ഷോഭം രൂക്ഷമായതിനെ തുടർന്ന് ജനകീയ സമര സമിതി റോഡ് ഉപരോധിച്ചു. ഫോർട്ട് കൊച്ചി സബ് കലക്ടർ സ്ഥലത്തെത്തി ചർച്ച നടത്തിയെങ്കിലും സമരക്കാർ പിന്തിരിഞ്ഞില്ല.

അതേസമയം മഴയ്ക്ക് ശമനമുണ്ടെങ്കിലും കൊല്ലം ,കോട്ടയം പത്തനംതിട്ട ജില്ലകളിൽ വെള്ളക്കെട്ട് തുടരുകയാണ്.

കടലാക്രമണം രൂക്ഷമായ സാഹചര്യത്തിലാണ് എടവനക്കാട് തീരമേഖലയിലെ ജനങ്ങൾ പ്രതിഷേധം കനപ്പിച്ചത്. ശാസ്ത്രീയമായ രീതിയിൽ പുലിമുട്ടും ടെട്രോപാഡും നിർമ്മിക്കണമെന്നാണ് ആവശ്യം. കനത്ത മഴയിലും രാവിലെ മുതൽ വൈപ്പിൻ - മുനമ്പം സംസ്ഥാന പാത ജനകീയ സമരസമിതി ഉപരോധിക്കുകയാണ്. ഇതിനിടെയാണ് ഫോർട്ട് കൊച്ചി സബ് കലക്ടർ സ്ഥലത്തെത്തി സമരക്കാരുമായി ചർച്ച നടത്തിയത്.

Watch Video