കഞ്ചാവ് കടത്തിയ മകനെ സംരക്ഷിച്ചെന്ന കേസിൽ ഗ്രേഡ് എസ്.ഐക്ക് സസ്‌പെൻഷൻ

കൊച്ചി: കഞ്ചാവ് കടത്തിയ മകനെ സംരക്ഷിച്ചെന്ന കേസിൽ എറണാകുളം തടിയിട്ടപറമ്പ് ഗ്രേഡ് എസ്.ഐ സാജന് സസ്‌പെൻഷൻ. ഒഡീഷ്യയിൽ നിന്നും ട്രെയിൻ മാർഗം കഞ്ചാവ് എത്തിച്ച കേസിൽ എസ് .ഐ സാജൻ, മകൻ നവീൻ എന്നിവരുൾപ്പെടെ നാലു പേരെ ആലുവ പൊലീസ് കഴിഞ്ഞ ദിവസം അറസ്റ്റ് ചെയ്തിരുന്നു.

തുടർ നടപടി ആയാണ് സാജന്റെ സസ്‌പെൻഷൻ. കേസിൽ നിലവിൽ റിമാൻഡിലാണ് ഇവർ. നവീനെ സംരക്ഷിക്കുകയും , വിദേശത്ത് കടക്കാൻ സഹായിക്കുകയും ചെയ്തതാണ് സാജനെതിരായ കേസ്. ഈ മാസം മുപ്പതിന് സർവീസിൽ നിന്ന് വിരമിക്കാനിരിക്കെയാണ് എസ്.ഐ ക്കെതിരായ നടപടി.