വാഹനക്കുരുക്കിൽ കുടുങ്ങി താമരശേരി ചുരം

ഇങ്ങാപ്പുഴ: താമരശ്ശേരി ചുരത്തിൽ വൻ ഗതാഗതകുരുക്ക്. കോഴിക്കോട് അടിവാരം മുതൽ വയനാട് വൈത്തിരി വരെ മണിക്കൂറുകളായി നിരവധി വാഹനങ്ങൾ കുടുങ്ങി കിടക്കുകയാണ്.

അതിനിടെ ചുരം എട്ടാം വളവിൽ ചരക്ക് ലോറി കുടുങ്ങിയതിനെ തുടർന്ന് ഗതാഗത തടസം രൂക്ഷമായി. അവധി ദിവസമായതിനാൻ രാവിലെ മുതൽ ചുരത്തിൽ വാഹനങ്ങളുടെ നീണ്ട നിരയാണ്. അതിനിടയിലാണ് ലോറി ബ്രേക്ക് ഡൗൺ ആയത്.

Read Alsoഹോട്ടൽ വ്യവസായിയുടെ മൃതദേഹം ഉപേക്ഷിച്ചെന്ന് കരുതുന്ന ട്രോളി ബാഗ് കണ്ടെത്തി; ചുരം ഒൻപതാം വളവിൽ പൊലീസ് പരിശോധന

തുടർച്ചയായ അവധി ദിവസങ്ങൾ ആയതിനാൽ വിനോദ സഞ്ചാരികൾ കൂട്ടത്തോടെ ചുരം കയറാൻ തുടങ്ങിയതും കുരുക്ക് രൂക്ഷമാവാൻ കാരണമായി. ചുരത്തിന് താങ്ങാനാവുന്നതിലും അധികം വാഹനങ്ങളാണ് ദിവസവും ഇതുവഴി കടന്നുപോകുന്നത്.

പൊലീസും ചുരം സംരക്ഷണ സമിതി പ്രവർത്തകരും രാവിലെ മുതൽ ഗതാഗത നിയന്ത്രണത്തിനായി ശ്രമിക്കുന്നുണ്ടെങ്കിലും കുരുക്കഴിക്കാനായിട്ടില്ല.

Read Alsoവ്യവസായിയെ കൊലപ്പെടുത്തി മൃതദേഹം ട്രോളി ബാഗിലാക്കി അട്ടപ്പാടി ചുരത്തിൽ തള്ളി