ട്രാവൻകൂർ ഷുഗേഴ്സ് തട്ടിപ്പ്; പ്രതികളായ ഉന്നത ഉദ്യോസ്ഥരെ ചോദ്യം ചെയ്ത് വിട്ടയച്ചു

സം​സ്ഥാ​ന സ​ർ​ക്കാ​ർ ഉ​ട​മ​സ്ഥ​ത​യി​ൽ പ്ര​വ​ർ​ത്തി​ക്കു​ന്ന തിരുവല്ല ട്രാ​വ​ൻ​കൂ​ർ ഷു​ഗേ​ഴ്സ് ആ​ൻ​ഡ് കെ​മി​ക്ക​ൽ​സി​ലേ​ക്ക് സി​പി​രി​റ്റു​മാ​യി എ​ത്തി​യ ടാ​ങ്ക​ർ ലോ​റി​ക​ളി​ൽ​നി​ന്ന്​ സ്പി​രി​റ്റ് മ​റി​ച്ചു​വി​റ്റ സം​ഭ​വ​ത്തി​ൽ പ്രതികളായ ഉന്നത ഉദ്യോസ്ഥരെ ചോദ്യം ചെയ്തു വിട്ടയച്ചു. കേസിൽ അറസ്റ്റിലായ മൂന്ന് പേർക്കെതിരെ ഉദ്യോഗസ്ഥർ മൊഴിനൽകിയിട്ടുണ്ട്. തിങ്കളാഴ്ച രാവിലെയാണ് ഉദ്യോ​ഗസ്ഥർ പൊലീസിന് മുന്നിൽ ഹാജരായത്. പ്രത്രികൾക്ക് ഹൈക്കോടതി കർശന ഉപാധികളോടെ ജാമ്യം അനുവദിച്ചിരുന്നു. മണിക്കൂറുകൾ നീണ്ട ചോദ്യം ചെയ്യലിൽ സംഭവത്തിൽ തങ്ങൾക്ക് പങ്കില്ലെന്ന മറുപടിയാണ് പ്രതികൾ ആവർത്തിച്ചത്.

മ​ധ്യ​പ്ര​ദേ​ശി​ലെ ബ​ർ​വാ​ഹ​യി​ലെ സ​ർ​ക്കാ​ർ ഫാ​ക്ട​റി​യി​ൽ​നി​ന്ന്​ 1.15 ല​ക്ഷം ലി​റ്റ​ർ സ്പി​രി​റ്റു​മാ​യി മൂ​ന്ന് ടാ​ങ്ക​ർ ലോ​റി കേ​ര​ള അ​തി​ർ​ത്തി​യി​ൽ എത്തിയത്. സ്​​റ്റേ​റ്റ് എ​ക്സൈ​സ് എ​ൻ​ഫോ​ഴ്സ്മെൻറ് സ്‌​ക്വാ​ഡിന്​ ല​ഭി​ച്ച ര​ഹ​സ്യ സ​ന്ദേ​ശ​ത്തെ​ത്തു​ട​ർ​ന്ന് സം​ഘം വാ​ഹ​ന​ങ്ങ​ളെ പി​ന്തു​ട​ർ​ന്ന്​ ട്രാ​വ​ൻ​കൂ​ർ ഷു​ഗേ​ഴ്സി​ൽ എ​ത്തി പരിശോധിച്ചപ്പോഴാണ്​ രണ്ടു ലോറികളിൽ തട്ടിപ്പ്​ കണ്ടെത്തിയത്​. ടാ​ങ്ക​ർ ലോ​റി​ക​ളി​ൽ​നി​ന്ന്​ 20,687 ലി​റ്റ​ർ സ്പി​രി​റ്റാണ് മ​റി​ച്ചു​വി​റ്റത്.

അ​രു​ൺ​കു​മാ​റിന്റെ നി​ർ​ദേ​ശ​പ്ര​കാ​രം മ​ധ്യ​പ്ര​ദേ​ശി​ലെ ഫാ​ക്ട​റി​യി​ൽ​നി​ന്ന്​ 70 കി.​മീ. അ​ക​ലെ സേ​ന്തു​വാ​യി​ൽ ലോ​റി നി​ർ​ത്തി​യി​ടു​ന്ന സ്ഥ​ല​ത്ത് അ​ബു എ​ത്തി ര​ണ്ട് വാ​ഹ​ന​ത്തി​ൽ​നി​ന്ന് സ്പി​രി​റ്റ് ഊ​റ്റി​യെ​ടു​ക്കു​ക​യാ​യി​രുന്നെ​ന്നാ​ണ്​ മൊ​ഴി. ഇ-​ലോ​ക്ക് ഘ​ടി​പ്പി​ച്ച വാ​ഹ​ന​ത്തി​നു​മു​ക​ളി​ലെ പൂ​ട്ടു​ക​ൾ അ​റു​ത്തു​മാ​റ്റി​യാ​ണ് ആ​റ് അ​റ​യി​ലാ​യി സൂ​ക്ഷി​ച്ച സ്​​പി​രി​റ്റ്​ ഊ​റ്റി​യ​ത്.