സംസ്ഥാനത്ത് രണ്ട് പേർക്ക് കൂടി കോളറ സ്ഥിരീകരിച്ചു

തിരുവനന്തപുരം: സംസ്ഥാനത്ത് രണ്ട് പേർക്ക് കൂടി കോളറ സ്ഥിരീകരിച്ചു. തിരുവനന്തപുരം സ്വ​ദേശികൾക്കാണ് പുതുതായി രോ​ഗം ബാധിച്ചത്. സംസ്ഥാനത്ത് നിലവിൽ നാല് പേരാണ് രോ​ഗം ബാധിച്ച് ചികിത്സയിലുള്ളത്, ഇതിൽ മൂന്ന് പേർ തിരുവനന്തപുരത്തു നിന്നാണ്.

കഴിഞ്ഞ ​ദിവസം കോളറ സ്ഥിരീകരിച്ച നെയ്യാറ്റിൻകരയിലെ കെയർ ഹോമിൽ തന്നെയാണ് വീണ്ടും രണ്ട് പേർക്ക് കൂടി രോ​ഗം സ്ഥിരീകരിച്ചത്. അവിടെ 10 വയസുകാരന് കോളറ സ്ഥിരീകരിച്ചതിനെ തുടർന്ന് 12 പേർ തിരുവനന്തപുരം മെ‍ഡിക്കൽ കോളേജിൽ ചികിത്സയിലായിരുന്നു. ഇതിൽ രണ്ട് പേരുടെ ഫലത്തിലാണ് രോ​ഗബാധ സ്ഥിരീകരിച്ചത്. വരും ദിവസങ്ങളിൽ കൂടുതൽ പേരുടെ ചികിത്സാഫലം പുറത്തുവരുമെന്നാണ് ആരോ​ഗ്യവകുപ്പ് നൽകുന്ന വിവരം.