അഞ്ചലിൽ 15 പേർക്ക് കടന്നലിന്‍റെ കുത്തേറ്റു

അഞ്ചല്‍: കൊല്ലം അഞ്ചലിൽ 15 പേർക്ക് കടന്നലിന്‍റെ കുത്തേറ്റു. തൊഴിലുറപ്പ് തൊഴിലാളികൾക്കാണ് കുത്തേറ്റത് . പരിക്കേറ്റവരെ പുനലൂർ താലൂക്ക് ആശുപത്രിയിലും അഞ്ചൽ സർക്കാർ ആശുപത്രിയിലും പ്രവേശിപ്പിച്ചു .

അഞ്ചൽ ആലഞ്ചേരി വാർഡിലെ മുതലാറ്റ് ഭാഗത്തുവെച്ചാണ് തൊഴിലാളികൾക്ക് കടന്നലിന്‍റെ ആക്രമണമുണ്ടായത് . തൈ റബറിന്‍റെ കാടു വൃത്തിയാക്കുന്നതിനിടെയാണ് കടന്നൽ ഇളകിയത് . തൊഴിലാളിയുടെ കൂടെയുണ്ടായിരുന്ന 10 വയസുള്ള മകനും കടന്നലിന്‍റെ കുത്തേറ്റു. ഛർദിയും അസ്വസ്ഥതയും ഉണ്ടായി . ഗുരുതരമായി പരിക്കേറ്റ രണ്ടുപേരെ പുനലൂർ താലൂക്ക് ആശുപത്രിയിൽ പ്രേവേശിപ്പിച്ചു. മറ്റുള്ളവർ അഞ്ചൽ സർക്കാർ ആശുപത്രിയിൽ ചികിത്സ തേടി.