മകളെ ശല്യപ്പെടുത്തിയത് ചോദ്യം ചെയ്ത പിതാവിനെ ജീവനോടെ കത്തിച്ചു

മധ്യപ്രദേശ്, ദാമോ സ്വദേശിയായ നര്‍മ്മദ സാഹു(45)ആണ് കൊല്ലപ്പെട്ടത്. ഞായറാഴ്ചയാണ് സാഹു മരിച്ചത്

മകളെ ശല്യം ചെയ്തത് ചോദ്യം ചെയ്ത പിതാവിനെ ജീവനോടെ കത്തിച്ചു. മധ്യപ്രദേശ്, ദാമോ സ്വദേശിയായ നര്‍മ്മദ സാഹു(45)ആണ് കൊല്ലപ്പെട്ടത്. ഞായറാഴ്ചയാണ് സാഹു മരിച്ചത്.

നര്‍മ്മദയുടെ മകളെ പ്രതിയും അയല്‍വാസിയുമായ സച്ചിന്‍ സാഹുവും കൂട്ടുകാരും നിരന്തരം ശല്യപ്പെടുത്തിയിരുന്നു. ഇതിനെതിരെ നര്‍മ്മദ കഴിഞ്ഞ ആഗസ്ത് 15ന് പൊലീസിന്‍ പരാതി നല്‍കി. ഇത് സച്ചിനെ ചൊടിപ്പിക്കുകയും നര്‍മ്മദയെ ഭീഷണിപ്പെടുത്തുകയും ചെയ്തു. നര്‍മ്മദയുടെ കുടുംബത്തിന് നേരെയുള്ള ഉപദ്രവം തുടര്‍ന്നുകൊണ്ടിരുന്നു. ശനിയാഴ്ച സച്ചിന്‍, രാജ്കുമാര്‍, രാംകുമാര്‍ എന്നിവര്‍ നര്‍മ്മദയുടെ വീട്ടിലെത്തുകയും മണ്ണെണ്ണയൊഴിച്ച് തീ കൊളുത്തുകയുമായിരുന്നുവെന്ന് പൊലീസ് പറഞ്ഞു. പീന്നീട് അയല്‍ക്കാര്‍ ചേര്‍ന്ന് തീ അണയ്ക്കുകയായിരുന്നു. ഗുരുതരമായി പൊള്ളലേറ്റ നര്‍മ്മദയെ ഉടന്‍ തന്നെ ദാമോ ജില്ലാ ആശുപത്രിയിലെത്തിച്ചെങ്കിലും ഞായറാഴ്ചയോടെ മരണത്തിന് കീഴടങ്ങുകയായിരുന്നു. പ്രതികളെ അറസ്റ്റ് ചെയ്തതായി മുതിര്‍ന്ന പൊലീസ് ഉദ്യോഗസ്ഥന്‍ വിവേക് അഗര്‍വാള്‍ പറഞ്ഞു.