ഞാന്‍ ഹിന്ദു വിരുദ്ധനല്ല, മോദി-അമിത് ഷാ വിരുദ്ധന്‍: പ്രകാശ് രാജ്ഞാന്‍ ഹിന്ദു വിരുദ്ധനല്ല, മോദി-അമിത് ഷാ വിരുദ്ധന്‍: പ്രകാശ് രാജ്
|ഹൈദരാബാദില്‍ നടന്ന ഇന്ത്യാ ടുഡേ സൌത്ത് കോണ്‍ക്ലേവില്‍ സംസാരിക്കുകയായിരുന്നു അദ്ദേഹം
പ്രധാനമന്ത്രി നരേന്ദ്ര മോദിക്കെതിരെ തുറന്നടിച്ച് നടന്‍ പ്രകാശ് രാജ്. താന്‍ ഹിന്ദു വിരുദ്ധനല്ലെന്നും മോദി, അമിത് ഷാ, ഹെഗ്ഡേ വിരുദ്ധനാണെന്നും അദ്ദേഹം പറഞ്ഞു. ഹൈദരാബാദില്‍ നടന്ന ഇന്ത്യാ ടുഡേ സൌത്ത് കോണ്‍ക്ലേവില്‍ സംസാരിക്കുകയായിരുന്നു അദ്ദേഹം.
അവര്‍ പറയുന്നത് ഞാനൊരു ഹിന്ദുവിരുദ്ധനാണെന്നാണ്. എന്നാല്‍ സത്യം അതല്ല, ഞാനൊരു മോദി, അമിത്, ഹെഗ്ഡേ വിരുദ്ധനാണ്. എന്റെ അഭിപ്രായത്തില്‍ അവര്‍ ഹിന്ദുക്കളല്ല. കൊലപാതകത്തെ പിന്തുണയ്ക്കുന്നവര്‍ ഹിന്ദുക്കളല്ല. മാധ്യമപ്രവർത്തകയായിരുന്ന ഗൗരി ലങ്കേഷിന്റെ കൊലപാതകം മോദിയെ പിന്തുണയ്ക്കുന്നവർ ആഘോഷമാക്കിയപ്പോൾ പ്രതികരിക്കാൻ ആവശ്യപ്പെട്ടെങ്കിലും പ്രധാനമന്ത്രി നരേന്ദ്ര മോദി അതിനു തയ്യാറായില്ല. യഥാർഥ ഹിന്ദുവിന് അത്തരം പ്രവർത്തനങ്ങളെ പിന്തുണയ്ക്കാനാകില്ലെന്നും പ്രകാശ് രാജ് കൂട്ടിച്ചേർത്തു.