India
India
പെൺവാണിഭം പൊലീസ് ഒത്താശയോടെ; 23 പേർ അറസ്റ്റിൽ
|21 March 2021 1:08 PM GMT
റാക്കറ്റിന് ഒത്താശ ചെയ്തുവെന്ന് സംശയിക്കുന്ന അഞ്ച് ലോക്കൽ പൊലീസ് ഉദ്യോഗസ്ഥരെ സസ്പെൻഡ് ചെയ്തു
ഉത്തർപ്രദേശിലെ ഗ്രേറ്റർ നോയിഡയിൽ 12 വനിതകളും 11 പുരുഷൻമാരുമടങ്ങുന്ന വൻ സെക്സ് റാക്കറ്റിനെ പൊലീസ് അറസ്റ്റ് ചെയ്തു. ഡാൻകൗറിലെ ഹോട്ടലിൽ നടത്തിയ പരിശോധനയിലാണ് സംഘം പിടിയിലായത്. നോയിഡ, ഗ്രേറ്റർ നോയിഡ, ബുലന്ദ്ശഹർ നിവാസികളാണ് അറസ്റ്റിലായവർ. പ്രധാന പ്രതിയെന്ന് സംശയിക്കുന്ന ഹോട്ടൽ മാനേജർ ഗ്യാനേന്ദ്ര കുമാറും അറസ്റ്റിലായിട്ടുണ്ട്.
റാക്കറ്റിന് ഒത്താശ ചെയ്തുവെന്ന് സംശയിക്കുന്ന അഞ്ച് ലോക്കൽ പൊലീസ് ഉദ്യോഗസ്ഥരെ സസ്പെൻഡ് ചെയ്തതായി ഗ്രേറ്റർ നോയിഡ ഡിവൈ.എസ്.പി രാജേഷ് കുമാർ സിങ് പറഞ്ഞു.
ഡാൻകൗർ പൊലീസ് സ്റ്റേഷൻ ഹൗസ് ഓഫീസർക്ക് സംഭവത്തിലുള്ള പങ്കിനെ കുറിച്ച് ഡി.സി.പി വിശാൽ പണ്ഡേ അന്വേഷിക്കും.