India
India
ബംഗാളില്‍ ബി.ജെ.പിക്കെതിരെ പ്രചാരണത്തിനിറങ്ങി ജയ ബച്ചൻ
|5 April 2021 12:19 PM GMT
കേന്ദ്രമന്ത്രി ബബുല്‍ സുപ്രിയോയാണ് അരൂപിന്‍റെ എതിരാളി
പശ്ചിമ ബംഗാളില്‍ ബംഗാളില്‍ തൃണമൂലിനായി പ്രചാരണത്തിനിറങ്ങി
ബോളിവുഡ് താരവും സമാജ്വാദി പാര്‍ട്ടി എം.പിയുമായ ജയ ബച്ചൻ. ടോളിഗഞ്ച് എം.എല്‍.എയും സ്ഥാനാര്‍ഥിയുമായ അരൂപ് ബിശ്വാസിന് വേണ്ടി താരം വോട്ടര്‍ഭ്യര്‍ഥിക്കും. കേന്ദ്രമന്ത്രി ബബുല്‍ സുപ്രിയോയാണ് അരൂപിന്‍റെ എതിരാളി. ബംഗാളിന് വേണ്ടത് ബംഗാളിന്‍റെ മകള്‍ എന്ന മുദ്രാവാക്യം ഉയര്‍ത്തിയാണ് തൃണമൂലിന് വേണ്ടിയുള്ള പ്രചാരണം. ബംഗാളിലെ ജബല്‍പുര്‍ സ്വദേശിയാണ് ജയ ബച്ചന്‍.
സമാജ്വാദി പാര്‍ട്ടി നേതാവ് അഖിലേഷ് യാദവ് ബംഗാളില്‍ തൃണമൂലിന് പിന്തുണ അറിയിച്ചിരുന്നു. അഖിലേഷ് യാദവിനൊപ്പം ആര്‍.ജെ.ഡി നേതാവ് തേജസ്വി യാദവും മമതക്ക് പിന്തുണയുമായെത്തി. ബി.ജെ.പിക്കെതിരെ പോരാടാന്‍ മമത ദീദിയെ ശക്തിപ്പെടുത്തേണ്ടത് നമ്മുടെ ചുമതലയെന്നായിരുന്നു പ്രതികരണം.