'370ാം വകുപ്പ്​ നീക്കിയതിലെ ദിഗ്‌വിജയ് സിങ്ങിന്റെ അഭിപ്രായത്തിനെതിരെ രവിശങ്കർ പ്രസാദ്; 'കോൺ​ഗ്രസ് നിലപാട് വ്യക്തമാക്കണം'

ജമ്മു-​ക​ശ്​​മീ​രി​ൽ 370ാം വ​കു​പ്പ്​ എ​ടു​ത്തു​മാ​റ്റി​യ​തിലുള്ള കോൺഗ്രസ് നേതാവ് ദിഗ്‌വിജയ് സിങ്ങിന്റെ അഭിപ്രായത്തിനെതിരെ കേന്ദ്രമന്ത്രി രവിശങ്കർ പ്രസാദ്. 370ാം വ​കു​പ്പ്​ വിഷയത്തിൽ കോൺ​ഗ്രസ് നിലപാട് വ്യക്തമാക്കണമെന്ന് രവിശങ്കർ പ്രസാദ് ആവശ്യപ്പെട്ടു.

'ദിഗ്‌വിജയ് സിങ് അഭിപ്രായപ്പെട്ടത് പോലെ കോ​ൺ​ഗ്ര​സ്​ ഭ​ര​ണ​ത്തി​ലേ​റി​യാ​ൽ ജ​മ്മു-​ക​ശ്​​മീ​രി​ൽ 370ാം വ​കു​പ്പ്​ എ​ടു​ത്തു​മാ​റ്റി​യ​ നടപടി പു​നഃ​പ​രി​ശോ​ധി​ക്കു​മോ?, നിശബ്ദതയുടെ സമയം കഴിഞ്ഞു. നിങ്ങളുടെ വ്യക്തമായ നിലപാട് വിശദീകരിക്കുക'- രവിശങ്കർ പ്രസാദ് ട്വീറ്റ് ചെയ്തു.

It is now more than a day when the Central leadership of the Congress is maintaining a conspicuous silence on its stand about Article 370. Does the Congress want restoration of Article 370 as Digvijay Singh has indicated? Time of silence is over. Please explain your clear stand.

— Ravi Shankar Prasad (@rsprasad) June 13, 2021

ജ​മ്മു-​ക​ശ്​​മീ​രി​ൽ 370ാം വ​കു​പ്പ്​ എ​ടു​ത്തു​മാ​റ്റി​യ​ത്​ അ​ങ്ങേ​യ​റ്റം വി​ഷ​മ​ക​ര​മാ​യെ​ന്നും കോ​ൺ​ഗ്ര​സ്​ ഭ​ര​ണ​ത്തി​ലേ​റി​യാ​ൽ ഇ​ക്കാ​ര്യം പു​നഃ​പ​രി​ശോ​ധി​ക്കു​മെ​ന്നും കോ​ൺ​​ഗ്ര​സ്​ നേ​താ​വ്​ ദി​ഗ്​​വി​ജ​യ്​ സി​ങ് പറഞ്ഞതായി ആരോപണമുയർന്നിരുന്നു. പാ​കി​സ്​​താ​ൻ വം​ശ​ജ​നാ​യ മാ​ധ്യ​മ​പ്ര​വ​ർ​ത്ത​ക​നു​ള്ള ക്ല​ബ്​ ഹൗ​സ്​ ച​ർ​ച്ച​യി​ൽ സി​ങ്​ ദേ​ശ​വി​രു​ദ്ധ പ​രാ​മ​ർ​ശം ന​ട​ത്തി​യെ​ന്നാ​രോ​പി​ച്ച്​ മ​ധ്യ​​പ്ര​ദേ​ശ്​ ബി.​ജെ.​പിയാണ് സംഭവം വിവാ​ദമാക്കിയത്.

'370ാം വ​കു​പ്പ്​ എ​ടു​ത്തു​ക​ള​ഞ്ഞ​ത് മു​ത​ൽ ക​ശ്​​മീ​രി​ൽ ജ​നാ​ധി​പ​ത്യം ഇ​ല്ലാ​താ​യി. എ​ല്ലാ​വ​രെ​യും ജ​യി​ലി​ൽ അ​ട​ച്ച​തോ​ടെ അ​വി​ടെ മാ​ന​വി​ക​തയും ഇ​ല്ലാ​താ​യി. ക​ശ്​​മീ​രി​യ​ത്ത്​ ആ​ണ്​ മ​തേ​ത​ര​ത്വ​ത്തിന്റെ അ​ടി​സ്ഥാ​നം. കാ​ര​ണം മു​സ്​​ലിം ഭൂ​രി​പ​ക്ഷ സം​സ്ഥാ​ന​ത്ത്​ ഹി​ന്ദു രാ​ജാ​വാ​യി​രു​ന്നു ഉ​ണ്ടാ​യി​രു​ന്ന​ത്. അ​വ​ർ ഒ​ന്നി​ച്ചു​ പ്ര​വ​ർ​ത്തി​ച്ചു. അ​തിന്റെ ഫ​ല​മാ​യി ക​ശ്​​മീ​രി പ​ണ്ഡി​റ്റു​ക​ൾ​ക്ക്​ സ​ർ​ക്കാ​ർ സ​ർ​വി​സു​ക​ളി​ൽ സം​വ​ര​ണ​മേ​ർ​പ്പെ​ടു​ത്തി. അ​തി​നാ​ൽ ത​ന്നെ 370ാം വ​കു​പ്പ്​ എ​ടു​ത്തു​ക​ള​ഞ്ഞ​ത്​ ഏ​റ്റ​വും വി​ഷ​മി​പ്പി​ക്കു​ന്ന തീ​രു​മാ​ന​​മാ​യി​രുണെന്നും കോ​ൺ​ഗ്ര​സ്​ അ​ധി​കാ​ര​ത്തി​ൽ വ​രു​ക​യാ​ണെ​ങ്കി​ൽ ഈ ​വി​ഷ​യ​ത്തി​ൽ പു​നഃ​പ​രി​ശോ​ധ​ന ന​ട​ത്തും' ​എന്നാ​യി​രു​ന്നു ദി​ഗ്​​വി​ജ​യ്​ സി​ങ്ങിന്റെ പ​രാ​മ​ർ​ശം.