ചന്ദ്രനെ തൊടാൻ 'റാശിദ്​ റോവർ'; ഭ്രമണ പഥത്തിലേക്കുള്ള തയ്യാറെടുപ്പുകൾ പൂർത്തിയായി

അറബ്​ലോകത്തെ ആദ്യ ചന്ദ്രദൗത്യ പേടകമായ യു.എ.ഇയുടെ 'റാശിദ്​' റോവർ ചന്ദ്രന്‍റെ ഭ്രമണപഥ ത്തിലേക്ക്​ പ്രവേശിക്കാനുള്ള ഒരുക്കങ്ങൾ അന്തിമഘട്ടത്തിൽ. പേടകത്തെ വഹിക്കുന്ന ജാപ്പനീസ് ലൂണാർ ലാൻഡർ ഹകുട്ടോ-ആർ ഉടമകളായ ഐസ്​പേസ്​ കമ്പനിയാണ്​ ഇക്കാര്യം അറിയിച്ചത്​. ഇതോടെ അടുത്ത മാസം അവസാനത്തിൽ 'റാശിദ്​' ചന്ദ്രനിൽ എത്തുമെന്നാണ്​ പ്രതീക്ഷ.

ചന്ദ്രനിലേക്കുള്ള പാതയിൽ ലാൻഡർ നിലവിൽ സ്ഥിരതയിലാണ്. ചന്ദ്ര ഗുരുത്വാകർഷണ മേഖലയിലേക്ക് പ്രവേശിക്കുകയും ചന്ദ്രനെ ഭ്രമണം ചെയ്യാനുമുള്ള തയ്യാറെടുപ്പുകൾ നടക്കുന്നതായും -കമ്പനി അറിയിച്ചു.

'റാശിദ്​' കഴിഞ്ഞ ഡിസംബർ 11നാണ്​ യു.​എ​സി​ലെ ഫ്ലോ​റി​ഡ​യി​ലെ കെ​ന്ന​ഡി സ്​​പേ​സ് ​സെ​ന്‍റ​റി​ൽ​നിന്ന്​ ജപ്പാനീസ്​ ലാൻഡറിൽ പറന്നുയർന്നത്​. മു​ഹ​മ്മ​ദ്​ബി​ൻ റാ​ശി​ദ്​സ്​​പേ​സ്​സെ​ന്‍റ​റി​ലെ എ​ൻ​ജി​നീ​യ​ർ​മാർ നിർമിച്ചതാണ്​പേടകം. നേരത്തെപേടകത്തിൽ നിന്ന്​ആദ്യ സന്ദേശം പുറത്തുവന്നിരുന്നു. ദുബൈ മുൻ ഭരണാധികാരി ശൈഖ്​റാശിദ്​ബിൻ സഈദ്​ആൽ മക്​തൂമിന്‍റെ പേരാണ്​പേടകത്തിന്​നൽകിയിരിക്കുന്നത്​.

ചന്ദ്രന്‍റെ വടക്കുകിഴക്കൻ ഭാഗം പര്യവേക്ഷണം നടത്താനാണ് ​റോവർ ലക്ഷ്യമിടുന്നത്​. ചന്ദ്രന്‍റെ മണ്ണ്, പൊടിപടലം, ഫോട്ടോ ഇലക്ട്രോൺ കവചം, ചന്ദ്രനിലെ ദിവസം എന്നിവ ദൗത്യത്തിലൂടെ പഠന വിധേയമാക്കും. ദൗത്യം വിജയമായാൽ യു.എസിനും സോവിയറ്റ്​ യൂനിയനും ചൈനക്കും പിന്നാലെ ചന്ദ്രനിൽ സുരക്ഷിതമായി ​പേടകം ഇറക്കി ദൗത്യം പൂർത്തിയാക്കുന്ന നാലാമാത്തെ രാജ്യമെന്ന നേട്ടം യു.എ.ഇക്ക്​ സ്വന്തമാകും.