ഐപിഎല്‍: മുംബൈ ഇന്ത്യന്‍സിനെ തകര്‍ത്ത് ഗുജറാത്ത് ലയണ്‍സ്

മുംബൈ ഇന്ത്യന്‍സിനെ ആറ് വിക്കറ്റിനാണ് ഗുജറാത്ത് തോല്‍പ്പിച്ചത്. അര്‍ദ്ധ സെഞ്ചുറി നേടിയ ക്യാപ്റ്റന്‍ റെയ്നയാണ് ഗുജറാത്തിന്റെ വിജയശില്‍പ്പി

ഐപിഎല്ലില്‍ തുടര്‍ജയവുമായി ഗുജറാത്ത് ലയണ്‍സ് പോയിന്‍റ് പട്ടികയില്‍ ഒന്നാമതെത്തി. ഇന്നലെ നടന്ന മത്സരത്തില്‍ മുംബൈ ഇന്ത്യന്‍സിനെ ആറ് വിക്കറ്റിനാണ് ഗുജറാത്ത് തോല്‍പ്പിച്ചത്. അര്‍ദ്ധ സെഞ്ചുറി നേടിയ ക്യാപ്റ്റന്‍ റെയ്നയാണ് ഗുജറാത്തിന്‍റെ വിജയശില്‍പ്പി

തീര്‍ത്തും ആവേശകരമായ മത്സരത്തില്‍ 13 പന്തുകള്‍ ബാക്കി നില്‍ക്കെയാണ് ഗുജറാത്ത് വിജയം കണ്ടത്. ടോസ് നഷ്ടപ്പെട്ട് ആദ്യം ബാറ്റിംഗിനിറങ്ങിയ മുംബൈക്ക് വേണ്ടി നിതീഷ് റാണ മികച്ച പ്രകടനം കാഴ്ച്ച വെച്ചു. 70 റണ്‍സ് നേടിയ റാണയുടെയും 33 റണ്‍സ് നേടിയ ജോസ് ബട്ട്ലറുടെയും കരുത്തില്‍ മുംബൈ 172 റണ്‍സ് അടിച്ചുകൂട്ടി. തകര്‍പ്പന്‍ ഫോമിലുള്ള ആരോണ്‍ ഫിഞ്ചിനെ തുടക്കത്തില്‍ തന്നെ പുറത്താക്കി വിനയ് കുമാര്‍ മുംബൈയ്ക്ക് പ്രതീക്ഷ നല്‍കിയെങ്കിലും മക്കല്ലവും റെയ്നയും ഗുജറാത്തിനെ സുരക്ഷിത സ്ഥാനത്തെത്തിച്ചു. ഇരുവരും പുറത്തായെങ്കിലും സ്മിത്തും ജഡേജയും കൂടി ഗുജറാത്തിനെ വിജയതീരത്തെത്തിച്ചു. റെയ്ന 58ഉം മക്കല്ലം 48ഉം റണ്‍സ് നേടി. ജയത്തോടെ ഗുജറാത്ത് പോയിന്‍റ് പട്ടികയില്‍ ഒന്നാം സ്ഥാനത്തെത്തി. ആറാം സ്ഥാനത്താണ് മുംബൈയുള്ളത്.