ആസ്‍ട്രേലിയന്‍ ഓപ്പണ്‍ റോജര്‍ ഫെഡറര്‍ക്ക്

ആറ് വര്‍ഷങ്ങള്‍ക്ക് ശേഷമാണ് ഇരുവരും ഒരു ഗ്രാന്റ്സ്ലാം ടൂര്‍ണമെന്റിന്റെ ഫൈനലില്‍ ഏറ്റുമുട്ടിയത്

ഇതിഹാസങ്ങള്‍ ഏറ്റുമുട്ടിയ ആസ്‍ട്രേലിയന്‍ ഓപ്പണ്‍ ടെന്നീസ് ഫൈനലില്‍ റോജര്‍ ഫെഡറര്‍ക്ക് ജയം. സ്കോര്‍ 6-4, 3-6, 6-1, 3-6, 6-4. സ്പാനിഷ് താരം റാഫേൽ നദാലിനെ രണ്ടിനെതിരെ മൂന്നു സെറ്റുകൾക്ക് വീഴ്ത്തി ഫെഡറർ ആസ്ട്രേലിയൻ ഓപ്പണ്‍ കിരീടത്തിൽ മുത്തമിട്ടു. കരിയറിലെ 18-ാം ഗ്രാൻസ്‍‌ലാം കിരീടം. ആറ് വര്‍ഷങ്ങള്‍ക്ക് ശേഷമാണ് ഇരുവരും ഒരു ഗ്രാന്റ്സ്ലാം ടൂര്‍ണമെന്റിന്റെ ഫൈനലില്‍ ഏറ്റുമുട്ടിയത്.

6-4ന് ആദ്യ സെറ്റ് സ്വന്തമാക്കി ഫൈനലില്‍ ആദ്യം ലീഡ് സ്വന്തമാക്കിയത് ഫെഡറര്‍ തന്നെയാണ്. എന്നാല്‍ 6-3ന് രണ്ടാം സെറ്റ് നേടി റാഫ തിരിച്ചെത്തി. തൊട്ടടുത്ത സെറ്റില്‍ 6-1ന് ഫെഡറര്‍ നദാലിനെ കാഴ്ചക്കാരനാക്കിയെങ്കിലും നാലാം സെറ്റില്‍ ഫെഡറര്‍ മൂന്ന് പോയിന്റ് നേടുമ്പോഴേക്കും ആറു പോയിന്റിലെത്തി നദാല്‍ വീണ്ടും സമനില പിടിച്ചു.

ഫെഡററിന്റെ അഞ്ചാം ഓസ്ട്രേലിയൻ കിരീടമാണിത്. ഇതോടെ, ഏറ്റവുമധികം ഗ്രാൻസ്‌ലാം സിംഗിൾസ് കിരീടങ്ങൾ നേടിയ പുരുഷതാരമെന്ന റെക്കോർഡും ഫെഡറർ സ്വന്തമാക്കി.