കേരള പ്രീമിയർ ലീഗില്‍ കേരള പൊലീസിന് ജയം

സെൻട്രൽ എക്സൈസിനെ എതിരില്ലാത്ത രണ്ട് ഗോളിനാണ് കേരള പൊലീസ് പരാജയപ്പെടുത്തിയത്

കേരള പ്രീമിയർ ലീഗ് ഫുട്ബാളിൽ സ്വന്തം മൈതാനത്ത് കേരള പൊലീസിന് ജയം. മലപ്പുറം കോട്ടപ്പടി ഫുട്ബാൾ സ്റ്റേഡിയത്തിൽ സെൻട്രൽ എക്സൈസിനെ എതിരില്ലാത്ത രണ്ട് ഗോളിനാണ് കേരള പൊലീസ് പരാജയപ്പെടുത്തിയത്.

ഇരു ടീമിനും നിരവധി അവസരങ്ങൾ ലഭിച്ചിട്ടും ഗോൾ പിറക്കാതിരുന്ന ആദ്യ പകുതിയുടെ അവസാനാമായിരുന്നു ഫിറോസിലൂടെ പൊലീസിെൻറ ആദ്യ ഗോൾ. കോർണർ കിക്കിൽ നിന്നെത്തിയ പന്ത് വലയിലാക്കാൻ വിപിൻ ശ്രമിച്ചു. ലക്ഷ്യം തെറ്റിപ്പോവുകയായിരുന്ന പന്ത് ഫിറോസ് പുറംകാൽ കൊണ്ട് വലയിലാക്കുകയായിരുന്നു. 68 ആം മിനിറ്റിൽ കോർണർ കിക്കിൽ നിന്നാണ് രണ്ടാം ഗോളും പിറന്നത്. ശരത് ലാലിന്റെ കിക്ക് ഹെഡ്ഡറിലൂടെ വിപിൻ പോസ്റ്റിനകത്താക്കി.