മഡ് ഫുട്ബോളിന് മലപ്പുറത്ത് ആവേശകരമായ തുടക്കംമഡ് ഫുട്ബോളിന് മലപ്പുറത്ത് ആവേശകരമായ തുടക്കം
|ഋഷിരാജ് സിങ് ടൂര്‍ണമെന്റ് ഉദ്ഘാടനം ചെയ്തു
കായിക പ്രേമികളുടെ മഴക്കാല വിനോദമായ മഡ് ഫുട്ബോളിന് മലപ്പുറത്ത് ആവേശകരമായ തുടക്കം . മലപ്പുറം ഡിടിപിസിയാണ് മഡ്ഫുട്ബോള്‍ ടൂര്‍ണമെന്റ് സംഘടിപ്പിക്കുന്നത്. എക്സൈസ് കമ്മീഷണര്‍ ഋഷിരാജ് സിങ് ടൂര്‍ണമെന്റ് ഉദ്ഘാടനം ചെയ്തു.
മഴ മൂലം കളി മാറ്റിവെക്കുന്ന പതിവ് മലപ്പുറത്തുകാര്‍ക്കില്ല. മഴയത്ത് ചെളിയിലും ഫുട്ബോള്‍ ആവേശം അലതല്ലും. ഇത് തിരിച്ചറിഞ്ഞ മലപ്പുറം ജില്ലാ ടൂറിസം പ്രമോഷന്‍ കൌണ്‍സില്‍ മഡ് ഫുട്ബോള്‍ ടൂര്‍ണമെന്റ് സംഘടിപ്പിച്ചു. മയക്കുമരുന്നുകളില്‍ നിന്ന് യുവതലമുറയെ രക്ഷിക്കുക, ട്രാഫിക് നിയമങ്ങള്‍ ജനകീയ വത്കരിക്കുക,വാക്സിന്‍ സന്ദേശം എല്ലാവരിലുമെത്തിക്കുക എന്നീ ലക്ഷ്യങ്ങളോടെയാണ് മഡ്ഫുട്ബോള്‍ സംഘടിപ്പിച്ചത്. മേള ഉദ്ഘാടനം ചെയ്ത് ഋഷിരാജ് സിങ് പ്രതിജ്ഞ ചൊല്ലിക്കൊടുത്തു. 24 ടീമുകള്‍ മേളയില്‍ പങ്കെടുക്കും. ഒരു ടീമില്‍ 5 പേരാണുണ്ടാവുക. കോടൂരിലെ പാടത്താണ് മഡ് ഫുട്ബോള്‍ നടക്കുന്നത്.