അണ്ടര്‍ 17 ലോകകപ്പ്: ജര്‍മനിയെ തോല്‍പിച്ച് ബ്രസീല്‍ സെമിയില്‍അണ്ടര്‍ 17 ലോകകപ്പ്: ജര്‍മനിയെ തോല്‍പിച്ച് ബ്രസീല്‍ സെമിയില്‍
|ഒന്നിനെതിരെ രണ്ട് ഗോളുകള്‍ക്ക് ജര്‍മനിയെ തകര്‍ത്താണ് ബ്രസീലിന്റെ സെമി പ്രവേശം. ഇരുപത്തൊന്നാം മിനിറ്റില്‍ ജാന്‍ ഫിയറ്റ് ആണ് ജര്‍മിക്കായി..
ജർമനിയെ തകർത്ത് ബ്രസീൽ അണ്ടർ 17 ലോകകപ്പിന്റെ സെമിയിൽ കടന്നു. ഒന്നിനെതിരെ രണ്ട് ഗോളിനാണ് ബ്രസീലിന്റ ജയം. സെമിയിൽ ഇംഗ്ലണ്ടാണ് ബ്രസീലിന്റെ എതിരാളി. യൂറോപ്യൻ കരുത്തരും ലാറ്റിൻ അമേരിക്കൻ കരുത്തരും നേർക്കുനേർ വന്നപ്പോൾ മത്സരത്തിന്റെ ആവേശവും കൂടി. കൊൽക്കത്തയിലെ സാൾട്ട് ലേക്ക് സ്റ്റേഡിയത്തിൽ തടിച്ചുകൂടിയ ആരാധകർക്ക് മുന്നിൽ ജർമനിയാണ് ആദ്യം മുന്നിലെത്തിയത്. 21-ാം മിനിറ്റില്‍ ജാന്‍ ഫീറ്റെ അര്‍പ്പ് പെനാല്‍റ്റിയിലൂടെയാണ് ജർമനിക്ക് ലീഡ് നൽകിയത്. എന്നാൽ ആദ്യ പകുതിയിൽ ഒപ്പമെത്താൻ മഞ്ഞപ്പടക്ക് സാധിച്ചില്ല. പക്ഷെ 71-ാം മിനിറ്റിൽ ബ്രസീല്‍ സമനില പിടിച്ചു.
പത്ത് മിനിറ്റ് തികയും മുമ്പ് 77-ാം മിനിറ്റില്‍ ബ്രസീല്‍ ലീഡും നേടി.സൂപ്പര്‍താരം പൗളിഞ്ഞ്യ ബോക്‌സിന് പുറത്ത് നിന്ന് തൊടുത്ത തകര്‍പ്പന്‍ ഷോട്ടാണ് ജര്‍മന്‍ വലകുലുക്കിയത്. പിന്നെ ഗോൾ മടക്കാൻ ജർമനി ശ്രമിച്ചെങ്കിലും നടന്നില്ല. ഒടുവിൽ 2-1 ന്റെ ജയവുമായി ബ്രസീൽ അവസാന നാലിലേക്ക്. 25 ന് നടക്കുന്ന സെമിയിൽ ബ്രസീലിന് ഇംഗ്ലണ്ടിനെയാണ് നേരിടേണ്ടത്.