ട്വന്റി 20 റാങ്കിംങില്‍ കോഹ്ലി ഒന്നാമത്‌ട്വന്റി 20 റാങ്കിംങില്‍ കോഹ്ലി ഒന്നാമത്
|ആരോണ്‍ ഫിഞ്ചുമായുള്ള ലീഡ് 40 പോയിന്‍റായി കൊഹ്ലി ഉയര്‍ത്തിയിട്ടുണ്ട്. ബൌളര്‍മാരില്‍ 26ആം സ്ഥാനത്തുള്ള ഭുവനേശ്വര്‍ കുമാറാണ് ഇന്ത്യന്‍ താരങ്ങളില്‍ മുന്നില്‍
ഐസിസി ട്വന്റി- 20 ബാറ്റ്സ്മാന്‍മാരുടെ റാങ്കിങ്ങില്‍ ഇന്ത്യന്‍ നായകന്‍ വിരാട് കൊഹ്ലി ഒന്നാമത്. ഓസീസ് താരം ആരോണ്‍ ഫിഞ്ചാണ് രണ്ടാം സ്ഥാനത്ത്. ബൌളര്‍മാരില്‍ ഭുവനേശ്വര്‍ കുമാറാണ് ഇന്ത്യന്‍ താരങ്ങളില്‍ മുന്നില്‍.
ന്യൂസിലാന്‍റിനെതിരായ ട്വന്റി-20 പരമ്പര ഇന്ത്യ സ്വന്തമാക്കിയതിന് പിന്നാലെയാണ് ഐസിസി പുതിയ പട്ടിക പുറത്തുവിട്ടത്. ട്വന്റി-20 ബാറ്റ്സ്മാന്‍മാരുടെ റാങ്കിങില്‍ ഇന്ത്യന്‍ നായകന്‍ വിരാട് കൊഹ്ലി ഒന്നാം സ്ഥാനം നിലനിര്‍ത്തി. ഓസീസ് താരം ആരോണ്‍ ഫിഞ്ചുമായുള്ള ലീഡ് 40 പോയിന്‍റായി കൊഹ്ലി ഉയര്‍ത്തിയിട്ടുണ്ട്. ആദ്യ ഇരുപത് പേരില്‍ മറ്റ് ഇന്ത്യന്‍ ബാറ്റ്സ്മാന്‍മാര്‍ ആരും ഉള്‍പ്പെട്ടിട്ടില്ല. ഓപ്പണര്‍മാരായ രോഹിത് ശര്‍മ്മയും ശിഖര്‍ ധവാനും 21ഉം,45ഉം സ്ഥാനങ്ങളിലുണ്ട്. റാങ്കിങില്‍ ധവാന്‍ 20 സ്ഥാനങ്ങളാണ് മുന്നോട്ട് കയറിയത്.
ബൌളര്‍മാരില്‍ 26ആം സ്ഥാനത്തുള്ള ഭുവനേശ്വര്‍ കുമാറാണ് ഇന്ത്യന്‍ താരങ്ങളില്‍ മുന്നില്‍. സ്പിന്നര്‍ യുസ്വേന്ദ്ര ചാഹല്‍ 22 സ്ഥാനങ്ങള്‍ കയറി 30ആം സ്ഥാനത്തെത്തിയിട്ടുണ്ട്. ന്യൂസിലാന്‍റിനെതിരായ പരമ്പര വിജയം സ്വന്തമാക്കി, ഇന്ത്യ മൂന്ന് പോയിന്‍റുകള്‍ നേടിയെങ്കിലും ഇംഗ്ലണ്ടിന് പിന്നിലായി അഞ്ചാം സ്ഥാനത്ത് തുടരുകയാണ്. ന്യൂസിലാന്‍റിനെ പിന്തള്ളി പാകിസ്ഥാനാണ് ഒന്നാം സ്ഥാനത്ത്.