ഗ്രൂപ്പ് അഡ്മിന്‍മാര്‍ക്ക് കൂടുതല്‍ അധികാരം നല്‍കി വാട്‌സ്ആപ്പ്ഗ്രൂപ്പ് അഡ്മിന്‍മാര്‍ക്ക് കൂടുതല്‍ അധികാരം നല്‍കി വാട്സ്ആപ്പ്
|ഈ ഫീച്ചർ ആക്ടിവേറ്റ് ചെയ്താൽ ഗ്രൂപ്പിൽ ടെക്സ്റ്റ്, വീഡിയോ, ജിഫ്, ഡോക്യുമെന്‍റസ്, വോയ്സ് സന്ദേശങ്ങൾ അയക്കാനുള്ള അധികാരം അഡ്മിന് മാത്രമായി ചുരുങ്ങും
ഗ്രൂപ്പ് അംഗങ്ങളുടെ സന്ദേശങ്ങള്‍ നിയന്ത്രിക്കാന്‍ അഡ്മിനിസ്ട്രേറ്റർക്ക് അധികാരം നൽകുന്ന ‘റെസ്ട്രിക്റ്റഡ് ഗ്രൂപ്പ്’ ഫീച്ചറുമായി വാട്സ്ആപ്പ്. ഈ ഫീച്ചർ ആക്ടിവേറ്റ് ചെയ്താൽ ഗ്രൂപ്പിൽ ടെക്സ്റ്റ്, വീഡിയോ, ജിഫ്, ഡോക്യുമെന്‍റസ്, വോയ്സ് സന്ദേശങ്ങൾ അയക്കാനുള്ള അധികാരം അഡ്മിന് മാത്രമായി ചുരുങ്ങും. ഗ്രൂപ്പ് അഡ്മിൻമാർക്ക് മാത്രമേ "റെസ്ട്രിക്ടഡ് ഗ്രൂപ്പ്' സെറ്റിംഗ് ആക്ടിവേറ്റ് ചെയ്യാനാകൂ. ഇങ്ങനെ ചെയ്താൽ ഗ്രൂപ്പിലെ മറ്റ് അംഗങ്ങൾക്ക് അഡ്മിൻ പങ്കുവയ്ക്കുന്ന സന്ദേശങ്ങളും മീഡിയയും വായിക്കാൻ മാത്രമേ കഴിയുകയുള്ളൂ, പ്രതികരിക്കാനാവില്ല. ഗ്രൂപ്പിലേക്ക് സന്ദേശം അയക്കണമെങ്കിൽ "മെസേജ് അഡ്മിൻ' എന്ന പുതിയ ഓപ്ഷൻ ഉപയോഗിച്ച് അഡ്മിന്‍റെ അനുമതി തേടണം. അതേസമയം, ഒരു ഗ്രൂപ്പ് 72 മണിക്കൂറിൽ ഒരു തവണ മാത്രമെ റെസ്ട്രിക്ട് ആക്കാൻ സാധിക്കുകയുള്ളൂ.
എല്ലാവര്‍ക്കും സന്ദേശങ്ങള്‍ അയക്കാനും ഇടപഴകാനും സാധിക്കുന്ന സൗഹൃദ കൂട്ടായ്മകളായി പ്രവര്‍ത്തിക്കുന്ന വാട്സ്ആപ്പ് ഗ്രൂപ്പുകളില്‍ ഗൗരവതരമായ വാര്‍ത്തകളും വിവരങ്ങളും കൈമാറുന്നത് അത്ര സുഖകരമാവില്ല. ഗ്രൂപ്പ് അംഗങ്ങളുടെ അനാവശ്യ സംഭാഷണങ്ങള്‍ ഒഴിവാക്കി പകരം ഗ്രൂപ്പ് അംഗങ്ങള്‍ ആഗ്രഹിക്കുന്ന വിവരങ്ങള്‍ മറ്റുള്ളവരിലേക്ക് കൈമാറാന്‍ ഈ ഫീച്ചറിലൂടെ സാധിക്കും. കൂടാതെ വരുന്ന അപ്‌ഡേറ്റുകളില്‍ കൂടുതല്‍ പുതിയ ഫീച്ചറുകളും പ്രശ്‌ന പരിഹാരങ്ങളും ഉണ്ടാവും. വാട്സ്ആപ്പ് ബീറ്റ വേർഷനിലാണ് പുതിയ ഫീച്ചർ എത്തിയിരിക്കുന്നതെന്നു വാട്സ്ആപ്പിന്‍റെ പുതിയ ഫീച്ചറുകൾ പരീക്ഷിക്കുന്ന വാബീറ്റഇൻഫോ എന്ന സൈറ്റ് തങ്ങളുടെ റിപ്പോർട്ടിൽ പറയുന്നു. എന്നാൽ, ഇതു സംബന്ധിച്ച് വാട്സ്ആപ്പിൽനിന്ന് ഔദ്യോഗിക പ്രഖ്യാപനങ്ങളൊന്നും ഉണ്ടായിട്ടില്ല.