ഗസ്സയിൽ ബഹുരാഷ്ട്ര സേനയെ വിന്യസിക്കാനുള്ള നീക്കം ചെറുക്കുമെന്ന് ഹമാസും ഇസ്ലാമിക്​ ജിഹാദും

ദുബൈ: ഗസ്സയിൽ അറബ്​ രാജ്യങ്ങൾ ഉൾപ്പെട്ട ബഹുരാഷ്ട്ര സേനയെ വിന്യസിക്കാനുള്ള ഏതാരു നീക്കവും ശക്തമായി ചെറുക്കുമെന്ന മുന്നറിയിപ്പുമായി​ ഹമാസും ഇസ്ലാമിക്​ ജിഹാദും. ഗസ്സയിൽ ബഹുരാഷ്​ട്ര സുരക്ഷാസേനയെ വിന്യസിക്കാൻ ചർച്ച തുടരുന്നതായി ഇസ്രായേൽ പ്രതിരോധ മന്ത്രി യോവ്​ ഗാലൻറ്​ കഴിഞ്ഞ ദിവസം അമേരിക്കയെ അറിയിച്ചിരുന്നു.

അറബ്​ രാജ്യങ്ങൾ കൂടി ഉൾപ്പെട്ട ബഹുരാഷ്​ട്ര സേനയുടെ വിന്യാസം നടന്നാൽ ഭാവിയിൽ ഗസ്സ വിടാം എന്ന നിർദേശമാണ്​ ഇസ്രായേൽ അമേരിക്കയെ അറിയിച്ചിരിക്കുന്നത്​. ഇസ്രായേൽ മാധ്യമങ്ങളാണ്​ ഇന്നലെ ഇതുസംബന്​ധിച്ച റിപ്പോർട്ട്​ പുറത്തുവിട്ടത്​.

ബഹുരാഷ്​ട്ര സേനയെ ഗസ്സയിൽ ഇറക്കാനുള്ള അധിനിവേശ ശക്​തികളുടെ നീക്കം ദിവാസ്വപ്​നം മാത്രമാണെന്ന്​ ഫലസ്​തീൻ പ്രതിരോധ സംഘടനകൾ പ്രസ്​താവനയിൽ അറിയിച്ചു. ഗസ്സയിലേക്കുള്ള ഏതു സേനയെയും അധിനിവേശ ശക്​തികൾ എന്ന നിലക്കാവും കണക്കാക്കുകയെന്നും അവർക്കെതിരെ വിട്ടുവീഴ്​ചയില്ലാതെ പൊരുതുമെന്നും ഹമാസും ഇസ്​ലാമിക്​ ജിഹാദും ഉൾപ്പെടെ പ്രതിരോധ കൂട്ടായ്​മ മുന്നറിയിപ്പ്​ നൽകി.

ബഹുരാഷ്​ട്ര സേനയുടെ ഭാഗമാകാൻ ഏതെങ്കിലും അറബ്​ രാജ്യം തീരുമാനിക്കുമെന്ന്​ തങ്ങൾ കരുതുന്നില്ലെന്നും കൂട്ടായ്​മ വ്യക്​തമാക്കി. അതിനിടെ, വെടിനിർത്തൽ കരാർ ചർച്ചക്കായി മൊസാദ്​ ഉൾപ്പെട്ട ഇസ്രായേൽ സംഘം ഇന്ന്​ കൈറോയിലേക്ക്​ തിരിക്കും. ഇസ്രായേൽ മാധ്യമങ്ങളാണ്​ ഇതുസംബന്​ധിച്ച വാർത്ത പുറത്തുവിട്ടത്​. എന്നാൽ, മധ്യസ്​ഥ രാജ്യങ്ങളുടെ ഭാഗത്തുനിന്ന്​ പ്രതികരണമൊന്നും വന്നിട്ടില്ല.

നെതന്യാഹു സർക്കാറിന്റെ രാജിക്കായി പ്രക്ഷോഭം ശക്​തമാക്കുമെന്ന്​ ബന്ദികളുടെ ബന്​ധുക്കൾ അറിയിച്ചു. തെൽ അവീവിലും ജറൂസലമിലും ഇന്നലെ ആയിരങ്ങൾ തെരുവിലിറങ്ങി. പ്രക്ഷോഭകർക്കു നേരെ ഇസ്രായേൽ സുരക്ഷാ വിഭാഗം പലയിടങ്ങളിലും ബലപ്രയോഗം നടത്തി.

ഗസ്സയിൽ ആക്രമണം കൂടുതൽ കടുപ്പിച്ച ഇസ്രായേൽ ഇന്നലെ മാത്രം കൊന്നുതള്ളിയത്​ 82 പേരെ. ​ ഇ​തോ​ടെ മൊ​ത്തം സ്ഥി​രീ​ക​രി​ക്ക​പ്പെ​ട്ട മ​ര​ണം 32,705 ആ​യി. 75,190 പേ​ർ​ക്കാണ്​ പരിക്ക്​. ഗ​സ്സ​യി​ൽ ഭ​ക്ഷ​ണ​വി​ത​ര​ണ​ത്തി​നി​ടെ അ​ഞ്ചു പേ​ർ തി​ക്കി​ലും തി​ര​ക്കി​ലും മ​രി​ച്ച​ു.

ദ​ക്ഷി​ണ ല​ബ​നാ​നി​ൽ ശ​നി​യാ​ഴ്ച ഡ്രോ​ൺ ആ​ക്ര​മ​ണ​ത്തി​ൽ യു.​എ​ൻ വാ​ഹ​ന​ത്തി​ലു​ണ്ടാ​യി​രു​ന്ന മൂ​ന്നു നി​രീ​ക്ഷ​ക​ര​ട​ക്കം നാ​ലു പേ​ർ മ​രി​ച്ചു. ഇ​സ്രാ​യേ​ലാ​ണ് പി​ന്നി​ലെ​ന്ന് ല​ബ​നാ​ൻ സ​ർ​ക്കാ​ർ ആ​രോ​പി​ച്ചു.

വടക്കൻ ഗസ്സയിലേക്ക് അയച്ച സഹായ ട്രക്കുകളിൽ പകുതിയും ഇസ്രായേൽ മുടക്കിയതായി യു.എൻ മനുഷ്യാവകാശ സമിതി അറിയിച്ചു. ഗ​സ്സ​യി​ൽ വം​ശ​ഹ​ത്യ​ക്കി​ടെ വെ​സ്റ്റ് ബാ​ങ്കി​ൽ കൂ​ട്ട അ​റ​സ്റ്റും ഭൂ​മി പി​ടി​ച്ചെ​ടു​ക്ക​ലും തു​ട​രുകയാണ്​ ഇ​സ്രാ​യേ​ൽ. ഒ​ക്ടോ​ബ​ർ ഏ​ഴി​നു​ശേ​ഷം ഫ​ല​സ്തീ​നി​ക​ൾ താ​മ​സി​ച്ചു​വന്ന 27 ച​തു​​ര​ശ്ര കി​ലോ​മീ​റ്റ​ർ ഭൂ​മി​ ഇസ്രായേൽ കൈ​യേ​റി​. കോ​ള​നൈ​​സേ​ഷ​ൻ ആ​ൻ​ഡ് വാ​ൾ റ​സി​സ്റ്റ​ൻ​സ് ക​മീ​ഷ​ൻ ആണ്​ ഇതു സംബന്​ധിച്ച റി​പ്പോ​ർ​ട്ട് പുറത്തുവിട്ടത്​.

Summary : Hamas say they will resist the move to deploy multinational forces in Gaza