വ്യാ​പാ​ര​ബ​ന്ധം ശക്തമാക്കാൻ ധാ​ര​ണ; ഇന്ത്യ-യുഎസ് ബന്ധത്തിൽ പുതിയ അധ്യായമായി മോദി– ബൈഡൻ കൂടിക്കാഴ്​ച

ഇ​ന്ത്യ​ൻ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും അ​മേ​രി​ക്ക​ൻ പ്ര​സി​ഡന്റ്​ ജോ ​ബൈ​ഡ​നും വൈ​റ്റ്​ ഹൗ​സി​ൽ കൂ​ടി​ക്കാ​ഴ്​​ച ന​ട​ത്തി. ബൈ​ഡ​ൻ അ​മേ​രി​ക്ക​ൻ പ്ര​സി​ഡ​ൻ​റാ​യ​ശേ​ഷം ഇ​രു​വ​രു​ടെ​യും ആ​ദ്യ കൂ​ടി​ക്കാ​ഴ്​​ച​യാ​ണി​ത്. ഇന്ത്യ-യുഎസ് ബന്ധത്തിൽ പുതിയ അധ്യായമാണ് ആരംഭിക്കുന്നതെന്ന് ജോ ബൈഡൻ പറഞ്ഞു. വ്യാ​പാ​ര ബ​ന്ധം ഊ​ട്ടി​യു​റ​പ്പി​ച്ചും സൗ​ഹൃ​ദ​ത്തി​ലൂ​ടെ പുതി​യ മേ​ഖ​ല​ക​ളി​ൽ സ​ഹ​ക​ര​ണം മെ​ച്ച​പ്പെ​ടു​ത്താ​ൻ ആ​ഹ്വാ​നം ചെ​യ്​​തുമായിരുന്നു കൂടിക്കാഴ്ച.

വ​രും ദ​ശ​ക​ങ്ങ​ളെ മു​ന്നി​ൽ ക​ണ്ട്​ ഇ​രു​രാ​ജ്യ​ങ്ങ​ളും ത​മ്മി​ലു​ള്ള വാ​ണി​ജ്യ​ബ​ന്ധം ശ​ക്ത​മാ​ക്കാ​ൻ ഇ​ന്ത്യ ത​യാ​റാ​ണെ​ന്ന്​ മോ​ദി ബൈ​ഡ​നോ​ട്​ പ​റ​ഞ്ഞു. ഈ ​ദ​ശ​ക​ത്തെ നി​ർ​വ​ചി​ക്കു​ന്ന​തി​ൽ ബൈ​ഡന്റെ നേ​തൃ​ഗു​ണ​ത്തി​​ന്​ ഏ​റെ പ്രാ​ധാ​ന്യ​മു​ണ്ടെ​ന്ന്​ മോ​ദി പ്ര​കീ​ർ​ത്തി​ച്ചു. ഇ​ന്ത്യ- അ​മേ​രി​ക്ക ബ​ന്ധം മുമ്പെ​ന്ന​ത്തേ​ക്കാ​ളും ശ​ക്ത​മാ​ക്കാ​നു​ള്ള സൗ​ഹൃ​ദ​ത്തി​ന്​ വി​ത്ത്​ പാ​കി​ക്ക​ഴി​ഞ്ഞ​താ​യി മോ​ദി പ​റ​ഞ്ഞു. ഇ​രു​രാ​ജ്യ​ങ്ങ​ൾ​ക്കു​മി​ട​യി​ലെ സൗ​ഹൃ​ദ​ത്തെ ഏ​റെ പ്ര​തീ​ക്ഷ​യോ​ടെ​യാ​ണ്​ യു.​എ​സ്​ കാ​ണുന്ന​തെ​ന്ന്​ ബൈ​ഡ​ൻ പ്ര​തി​ക​രി​ച്ചു.

40 ല​ക്ഷം ഇ​ന്തോ-​അ​മേ​രി​ക്ക​ൻ വം​​ശ​ജ​ർ അ​മേ​രി​ക്ക​യെ ക​രു​ത്ത​രാ​യി നി​ല​നി​ർ​ത്താ​ൻ ഓ​രോ ദി​വ​സ​വും പ്ര​യ​ത്​​നി​ക്കു​ന്നു​ണ്ട്. ഒ​​ട്ടേ​റെ പ്ര​തി​സ​ന്ധി​ക​ളെ അ​തി​ജീ​വി​ക്കാ​ൻ ഇ​​ന്ത്യ​-അ​മേ​രി​ക്ക സ​ഹ​ക​ര​ണ​ത്തി​ലൂ​ടെ​ സാ​ധി​ക്കു​മെ​ന്ന്​ ബൈ​ഡ​ൻ പ്ര​ത്യാ​ശ പ്ര​ക​ടി​പ്പി​ച്ചു.