റഫയിലും ജബാലിയയിലും ആക്രമണം കടുപ്പിച്ച് ഇസ്രായേൽ: 24 മണിക്കൂറിനിടെ 83 പേർ കൊല്ലപ്പെട്ടു

ദുബൈ: റഫയിലും ജബാലിയയിലും ഇസ്രായേൽ ആക്രമണം കടുപ്പിച്ചതോടെ പിന്നിട്ട 24 മണിക്കൂറിനിടെ ​ കൊല്ലപ്പെട്ടവരുടെ എണ്ണം 83 ആയി. ഇതോടെ ഗസ്സയിൽ ആകെ മരണ സംഖ്യ 35,386ൽ എത്തി. അതെ സമയം പോരാട്ടം രൂക്ഷമായ തെക്കൻ റഫയിൽ​നിന്ന് കൂട്ടപ്പലായനം. 6.30 ല​ക്ഷം ഫലസ്തീനികൾ റഫ​യി​ലെ താൽക്കാലിക ടെന്റകൾ വിട്ട് പലായനം ചെയ്തു.

റഫയിൽ ഇസ്രായേൽ സേനക്കെതിരെ ചെറുത്തുനിൽപ്പും ശക്​തമാണ്​. നിരവധി ​ സൈനിക വാഹനങ്ങൾ തകർത്തതായും 15 സൈനികരെ വധിച്ചതായും അൽ ഖസ്സാം ബ്രിഗേഡ്​സ്​ അറിയിച്ചു. ഗസ്സയിലെ യുദ്ധം ഏറെ സങ്കീർണമെന്ന്​ ഇസ്രായേൽ മാധ്യമങ്ങൾ റിപ്പോർട്ട് ചെയ്തു. ജ​ബാ​ലി​യ​യി​ലെ ക​മാ​ൽ അ​ദ്‍വാ​ൻ ആ​ശു​പ​ത്രി​ക്ക് സ​മീ​പം വ്യോ​മാ​ക്ര​മ​ണ​ത്തി​ൽ 14 പേ​ർ​കൂ​ടി കൊ​ല്ല​പ്പെ​ട്ടു.​

ഇ​​സ്രാ​യേ​ലി​ന്റെ നിരവധി മെ​ർ​കാ​വ ടാ​ങ്കുകൾ അ​ൽ യാ​സീ​ൻ മി​സൈ​ൽ ഉ​പ​യോ​ഗി​ച്ച് തകർത്തു. ജ​ബാ​ലി​യ ക്യാ​മ്പി​ൽ ഇ​സ്രാ​യേ​ലി​ന്റെ അ​പാ​ചെ ഹെ​ലി​കോ​പ്ട​ർ വെ​ടി​വെ​ച്ചി​ട്ട​താ​യും അ​ൽ ഖ​സ്സാം സേ​ന അ​റി​യി​ച്ചു. ഇ​സ്‍ലാ​മി​ക് ജി​ഹാ​ദ് മൂ​വ്മെ​ന്റി​ന്റെ സാ​യു​ധ വി​ഭാ​ഗ​മാ​യ അ​ൽ ഖു​ദ്സ് ബ്രി​ഗേ​ഡും കനത്ത ചെ​റു​ത്തു​നി​ൽ​പ്പ് ന​ട​ത്തു​ന്ന​തി​ന്റെ വി​ഡി​യോ പു​റ​ത്തു​വിട്ടു.

ഗ​സ്സ​യി​ൽ വി​ദേ​ശ സൈ​നി​ക​സാ​ന്നി​ധ്യം അ​നു​വ​ദി​ക്കാ​നാ​വില്ലെന്ന്​ ഹ​മാ​സ് അമേരിക്കക്ക്​ മുന്നറിയിപ്പ്​ നൽകി. ഗസ്സ തീരത്ത്​ താൽക്കാലിക തുറമുഖം നിർമിച്ചതിൽ എതിർപ്പില്ലെങ്കിലും കരമാർഗം തന്നെയാണ്​ സഹായം കാര്യക്ഷമായി എത്തിക്കാൻ സാധിക്കുകയെന്നും ഹമാസ്​ വ്യക്​തമാക്കി.

വെ​സ്റ്റ്ബാ​ങ്കി​ൽ ഇ​സ്രാ​യേ​ൽ സൈ​ന്യം തു​ട​രു​ന്ന പ​രി​ശോ​ധ​ന​യി​ൽ 20ഓ​ളം പേ​രെ അ​റ​സ്റ്റ് ചെ​യ്​തു. വെസ്​റ്റ്​ ബാങ്കിലെ വിവിധ കേന്ദ്രങ്ങളിൽ ഇന്ന്​ സൈനികാഭ്യാസം നടത്താനും ഇസ്രായൽ സേന തീരുമാനിച്ചതായി റിപ്പോർട്ടുണ്ട്​. യു.എസ്​ ദേശീയ സുരക്ഷാ ഉപദേഷ്​ടാവ്​ ജെയ്​ക്​ സള്ളിവൻ ഇന്ന്​ ഇസ്രായേൽ നേതാക്കളുമായി ഏറ്റവും പുതിയ സ്​ഥിതിഗതികൾ ചർച്ച ചെയ്യും. കരമാർഗം ഗസ്സയിലേക്ക്​ കൂടുതൽ സഹായം എത്തിക്കുന്നതും ചർച്ചയാകുമെന്ന്​ അമേരിക്ക അറിയിച്ചു.

റ​ഫ ആ​ക്ര​മ​ണ​ത്തെ തു​ട​ർ​ന്നു​ള്ള സ്ഥി​തി​ഗ​തി​ക​ൾ ച​ർ​ച്ച ചെ​യ്യാ​ൻ യു.​എ​ൻ ര​ക്ഷാ​സ​മി​തി യോ​ഗം വി​ളി​ക്ക​ണ​മെ​ന്ന് അ​ൽ​ജീ​രി​യ​യും ​സ്ലൊ​വീ​നി​യ​യും ആ​വ​ശ്യ​പ്പെ​ട്ടു. അതിനിടെ, ഇസ്രായേൽ യുദ്ധകാര്യ മന്ത്രിസഭാംഗങ്ങൾക്കിടയിലെ അഭിപ്രായ ഭിന്നത കൂടുതൽ രൂക്ഷമായി. യുദ്ധലക്ഷ്യങ്ങൾ നിർണിക്കണമെന്നും യുദ്ധാനന്തര ഗസ്സയുടെ ഭാവിയെ കുറിച്ച്​ കൃത്യമായ പദ്ധതി വേണമെന്നും മന്ത്രിസഭാംഗം ബെന്നി ഗാൻറ്​സ്​ ആവശ്യപ്പെട്ടു.

ജൂൺ പത്തിനകം വ്യക്​തത വരുത്തിയില്ലെങ്കിൽ സർക്കാർ വിടുമെന്നും ഗാൻറ്​സി​െൻറ മുന്നറിയിപ്പ്​. എന്നാൽ ഹമാസിനെയും ഫലസ്​തീനെയും പിന്തുണക്കുന്നതാണ്​ ഇത്തരം പ്രതികരണങ്ങളെന്ന്​ നെതന്യാഹു തിരിച്ചടിച്ചു. ഗാൻറ്​സ്​ ഇ​ല്ലാതെ തന്നെ യുദ്ധം ജയിക്കുമെന്ന്​ മന്ത്രി സ്​മോട്രിക്​. ഗാൻറ്​സും ഈസൻകോട്ടും നെതന്യാഹു സർക്കാറിൽ നിന്ന്​ രാജിവെക്കണമെന്ന്​ പ്രതിപക്ഷ നേതാവ്​ യായിർ ലാപിഡ്​. നെതന്യാഹു സർക്കാർ തുടർന്നാൽ ഇസ്രായേലി​െൻറ തകർച്ച പൂർണമാകുമെന്നും ലാപിഡി​െൻറ മുന്നറിയിപ്പ്​.

കൂടുതൽ ശക്തമായ ആയുധങ്ങളുമായി ഇസ്രായേലിന് നേരെ ആക്രമണം കനപ്പിച്ച് ലബനാനിലെ ഹിസ്ബുല്ല.