വെസ്റ്റ് ബാങ്കില്‍ ഇസ്രായേൽ സൈനിക നടപടി; ആറ് ഫലസ്തീനികൾ കൊല്ലപ്പെട്ടു

ജെറുസലേം: വെസ്റ്റ് ബാങ്കില്‍ ഇസ്രയേൽ സൈനിക നടപടിക്കിടെ ആറ് ഫലസ്തീനികൾ കൊല്ലപ്പെട്ടു. നിരവധി പേർക്ക് പരിക്കേറ്റു. ജെനിൻ, നെബുലസ് എന്നിവിടങ്ങളിലാണ് വൻതോതിൽ ഇസ്രായേലിന്റെ അതിക്രമമുണ്ടാത്. പത്തിലേറെ ഫലസ്തീനികളെ സൈന്യം അറസ്റ്റ് ചെയ്തു.

ഐക്യരാഷ്ട്ര സഭയും അറബ് രാഷ്ട്രങ്ങളും സംഭവത്തില്‍ ആശങ്ക പ്രകടിപ്പിച്ചു. ഇസ്രയേലിന്‍റെത് യുദ്ധപ്രഖ്യാപനമാണെന്ന് ഫലസ്തീന്‍ പറഞ്ഞു. എന്നാല്‍ സൈനിക നടപടിയെ ന്യായീകരിച്ച് ഇസ്രായേൽ രംഗത്തെത്തി. അതേസമയം 68 പേരാണ് ഈ വർഷം ഇസ്രയേല്‍ ആക്രമണത്തില്‍ ഫലസ്തീനില്‍ കൊല്ലപ്പെട്ടത്.