ഉരുളക്കിഴങ്ങ് ഇഷ്ടമാണെങ്കിൽ നിങ്ങൾക്ക് നേടാം 50,000 രൂപ ശമ്പളം

നിങ്ങൾക്ക് ഉരുളക്കിഴങ്ങ് ഇഷ്ടമാണോ? എങ്കിൽ 50,000 രൂപ വരെ ശമ്പളം ലഭിക്കുന്ന ജോലി നേടാൻ തയ്യാറായിക്കോളൂ. പ്രോ- ടാട്ടോ- ടേട്ടറായാണ് നിയമനം ലഭിക്കുക. പേര് പോലെ ബുദ്ധിമുട്ടുള്ള പണിയല്ല ചേയ്യേണ്ടത്.ബ്രിട്ടണിലെ ബോട്ടണിസ്റ്റ് എന്ന റെസ്റ്റോറൻ്റിലുണ്ടാക്കുന്ന റോസ്റ്റഡ് ഉരുളക്കിഴങ്ങ് രുചിച്ച് നോക്കുക ! അത്രയേയുള്ളൂ ജോലി! അതിനു ശമ്പളമായി കിട്ടുക 500 യൂറോയും.

ഉരുളക്കിഴങ്ങ് രുചിച്ച് നോക്കുന്നതിനോടൊപ്പം വിഭവത്തെ കുറിച്ച് അഞ്ഞൂറ് വാക്കിൽ കുറായാതെയുള്ള വിവരണം തയ്യാറാക്കണം. കൂടാതെ അറുപത് സെക്കൻ്റ് ദൈർഘ്യമുള്ള വീഡിയോയും തയ്യാറാക്കണം.കാര്യം സിമ്പിൾ !

ഗുണഭോക്താക്കള്‍ക്ക് മികച്ച ഭക്ഷണമേ നല്‍കൂവെന്ന നിര്‍ബന്ധമാണ് ബോട്ടണിസ്റ്റിനെ ഇത്തരമൊരു ഓഫര്‍ പ്രഖ്യാപിക്കാന്‍ പ്രേരിപ്പിച്ചത്. തെരഞ്ഞെടുക്കുന്നയാൾക്ക് ഉരുളക്കിഴങ്ങിന് പുറമേ ചിക്കൻ, ബീഫ് ,പോർക്ക് എന്നിവ കൊണ്ടുള്ള വിഭവങ്ങളും രുചിച്ച് നോക്കാൻ കിട്ടും.

ടെസ്റ്റ് നടത്തിയാകും ആളെ കണ്ടെത്തുക. ഈ മാസം 19നാണ് ടെസ്റ്റ് നടക്കുക. ഈ മോഹിപ്പിക്കുന്ന ജോലി കൊതിക്കുന്നവര്‍ക്ക് nwtc.uk.comല്‍ പോയി അപേക്ഷ സമര്‍പ്പിക്കാം..