'ഐ.ലവ്.യൂ മം, ഡാഡ്'; നൊമ്പരമായി യുദ്ധമുഖത്തെ യുക്രൈൻ സൈനികൻ

റഷ്യൻ ആക്രമണത്തെ തുടർന്ന് യുദ്ധഭൂമിയായി മാറിയ യുക്രൈനിൽ നിന്നുള്ള സൈനികന്റെ കരളലിയിപ്പിക്കുന്ന വീഡിയോ സോഷ്യൽ മീഡിയയിൽ വൈറലാവുന്നു. സൈനികൻ തന്റെ അച്ഛനും അമ്മക്കും അയച്ച വീഡിയോ സന്ദേശമാണ് സോഷ്യൽ മീഡിയയിൽ പ്രചരിക്കുന്നത്.

മൂന്നു ഭാഗത്തുനിന്നും കരമാർഗവും വ്യോമമാർഗവും റഷ്യ ആക്രമണം കടുപ്പിച്ചതോടെ യുക്രൈൻ ശരിക്കും ഒറ്റപ്പെട്ടിരിക്കുകയാണ്. ഇന്നു പുലർച്ചെ ആരംഭിച്ച റഷ്യൻ ആക്രമണത്തിൽ ഇതുവരെ 50 യുക്രൈൻ പൗരന്മാർ കൊല്ലപ്പെട്ടെന്നാണ് സർക്കാർ വൃത്തങ്ങൾ സ്ഥിരീകരിച്ചത്. 10 സിവിലിയന്മാരും കൊല്ലപ്പെട്ടവരിൽ ഉൾപ്പെടും. നൂറുകണക്കിനുപേർക്ക് പരിക്കേറ്റിട്ടുമുണ്ട്.