വീണ്ടും വീണ്ടും ആക്രമിക്കും, ഇസ്രായേലിനെ ഒരു പാഠം പഠിപ്പിക്കും: ഹമാസ് വക്താവ്

ഗസ്സ: ഒക്‌ടോബർ ഏഴിന് ഇസ്രായേലിനുനേരെ നടത്തിയ ആക്രമണം ആവർത്തിക്കുമെന്ന് ഹമാസിന്‍റെ ഉന്നത നേതാവ്. ഒക്ടോബർ 24 ന് ലെബനീസ് ടിവി ചാനലായ എൽബിസിക്ക് നൽകിയ അഭിമുഖത്തിലാണ് ഹമാസ് വക്താവ് ഗാസി ഹമദ് ഇക്കാര്യം പറഞ്ഞത്.

''ഇത് പൂര്‍ണ ശക്തിയോടെ പറയാന്‍ ഞങ്ങള്‍ക്ക് ലജ്ജയില്ല. ഞങ്ങള്‍ ഇസ്രായേലിനെ ഒരു പാഠം പഠിപ്പിക്കും. ആക്രമണം ആവര്‍ത്തിക്കും'' ഗാസി വ്യക്തമാക്കി. "നമ്മുടെ ഭൂമിയിൽ സ്ഥാനമില്ലാത്ത രാജ്യമാണ് ഇസ്രായേൽ. ഫലസ്തീനികൾ അധിനിവേശത്തിന്റെ ഇരകൾ ആണെന്നും അദ്ദേഹം പറഞ്ഞു. അധിനിവേശം അവസാനിപ്പിക്കാന്‍ അദ്ദേഹം ആഹ്വാനം ചെയ്തു. എല്ലാ ഫലസ്തീന്‍ പ്രദേശത്തെയും അധിനിവേശം അവസാനിപ്പിക്കണമെന്നാണ് താന്‍ ആവശ്യപ്പെടുന്നത്. അതുകൊണ്ട് ഇസ്രായേൽ ഉന്മൂലനം എന്നാണോ അർത്ഥമാക്കുന്നതെന്ന് ചോദിച്ചപ്പോൾ, "അതെ, തീർച്ചയായും" എന്ന് അദ്ദേഹം മറുപടി നൽകി.അറബ്, ഇസ്‍ലാമിക രാഷ്ട്രങ്ങൾക്ക് സുരക്ഷ, സൈനിക, രാഷ്ട്രീയ ദുരന്തം സൃഷ്ടിക്കുന്നതിനാൽ ആ രാജ്യം ഞങ്ങൾ ഇല്ലാതാക്കണം. അതിനെ ഇല്ലായ്മ ചെയ്യണം'' ഗാസി ഹമദ് കൂട്ടിച്ചേര്‍ത്തു.

യുദ്ധത്തിന് ഹമാസ് വില നൽകേണ്ടി വരുമോ എന്ന മാധ്യമപ്രവർത്തകന്‍റെ ചോദ്യത്തിന്, "അതെ, ഞങ്ങൾ അത് നൽകാൻ തയ്യാറാണ്" എന്നായിരുന്നു ഹമദിന്‍റെ മറുപടി.സാധാരണക്കാരെ ദ്രോഹിക്കാൻ ഹമാസിന് താൽപര്യമില്ലെന്നും ഭൂമിയിൽ സങ്കീർണതകൾ ഉണ്ടെന്നും അദ്ദേഹം അവകാശപ്പെട്ടു."ഇസ്രായേലിന്‍റെ അസ്തിത്വം യുക്തിക്ക് നിരക്കാത്തതാണ്. ഇസ്രായേലിന്‍റെ അസ്തിത്വമാണ് വേദനയും രക്തവും കണ്ണീരും എല്ലാം ഉണ്ടാക്കുന്നത്. അത് ഇസ്രായേലാണ്, ഞങ്ങളല്ല, ഞങ്ങൾ അധിനിവേശത്തിന്റെ ഇരകളാണ്. കാലഘട്ടം. അതിനാൽ, കാര്യങ്ങളുടെ പേരിൽ ആരും ഞങ്ങളെ കുറ്റപ്പെടുത്തേണ്ടതില്ല. ഞങ്ങൾ ചെയ്യുന്നു, ഒക്ടോബർ 7, ഒക്ടോബർ 10...ഞങ്ങൾ ചെയ്യുന്നതെല്ലാം ന്യായമാണ്," ഹമദ് പറഞ്ഞു. രക്തസാക്ഷികളുടെ രാഷ്ട്രമെന്നാണ് തങ്ങളെ വിളിക്കുന്നതെന്നും രക്തസാക്ഷികളെ ബലിയർപ്പിക്കുന്നതിൽ തങ്ങൾ അഭിമാനിക്കുന്നുവെന്നും അദ്ദേഹം കൂട്ടിച്ചേർത്തു.

Hamas Official Ghazi Hamad: We Will Repeat the October 7 Attack Time and Again Until Israel Is Annihilated; We Are Victims - Everything We Do Is Justified #Hamas #Gaza #Palestinians pic.twitter.com/kXu3U0BtAP

— MEMRI (@MEMRIReports) November 1, 2023