ബിഹാറിൽ മിന്നലേറ്റ് 17 പേർ മരിച്ചു; ഒഡീഷയിൽ നാല് മരണം

പട്‌ന: ഉത്തരേന്ത്യയിൽ മഴക്കെടുതിയിൽ കനത്ത നാശനഷ്ടം. ബിഹാറിലും ഒഡീഷയിലുമായി മിന്നലേറ്റ് 21 പേർ മരിച്ചു. ബിഹാറിൽ മാത്രം 17 പേരാണ് മരിച്ചത്. എട്ട് ജില്ലകളിലായാണ് 17 പേർ മരിച്ചത്. മരിച്ചവരുടെ കുടുംബത്തിന് മുഖ്യമന്ത്രി നിതീഷ് കുമാർ നാലു ലക്ഷം രൂപ വീതം സഹായധനം പ്രഖ്യാപിച്ചു.

ഒഡീഷയിൽ നാലുപേരാണ് മരിച്ചത്. രണ്ടുപേർക്ക് പരിക്കേറ്റു. അസമിലും മേഘാലയയിലും കനത്ത മഴയിൽ നിരവധി ഗ്രാമങ്ങൾ വെള്ളത്തിനടിയിലായി.