അമരാവതി കൊലപാതകം; കൊലയാളികൾക്ക് പ്രതിഫലമായി ലഭിച്ചത് ബൈക്കും 10,000 രൂപയും

അമരാവതി: മഹാരാഷ്ട്രയിലെ അമരാവതിയിൽ കെമിസ്റ്റായ ഉമേഷ് കോൽഹെയെ (54) കൊലപ്പെടുത്തിയ പ്രതികൾക്ക് പ്രതിഫലമായി ലഭിച്ചത് ബൈക്കും 10,000 രൂപയും ആണെന്ന് പൊലീസ്. അതേസമയം, പ്ര​തി​ക​ൾ​ക്ക്​ എ​തി​രെ മ​ഹാ​രാ​ഷ്ട്ര പൊ​ലീ​സ്​ യു.​എ.​പി.​എ ചു​മ​ത്തി. ഭീ​ക​ര​പ്ര​വ​ർ​ത്ത​നം, ഭീ​ക​ര​സം​ഘ​ട​ന​യു​ടെ ഭാ​ഗ​മാ​ക​ൽ, ഗൂ​ഢാ​ലോ​ച​ന കു​റ്റ​ങ്ങ​ൾ​ക്കാ​ണ്​ യു.​എ.​പി.​എ​യി​ലെ യ​ഥാ​ക്ര​മം 16, 20, 18 വ​കു​പ്പു​ക​ൾ ചു​മ​ത്തി​യ​ത്.

രാജസ്ഥാനിലെ ഉദയ്പൂർ സംഭവത്തിന് ഒരാഴ്ച മുമ്പ് ജൂൺ 21നാണ് ഉമേഷ് കോൽഹെയുടെ കൊലപാതകം നടന്നത്. വീട്ടിലേക്ക് മടങ്ങുകയായിരുന്ന ഉമേഷിനെ ബൈക്കിലെത്തിയ രണ്ടുപേർ കൊലപ്പെടുത്തുകയായിരുന്നു. കെമിസ്റ്റ് കൊല്ലപ്പെട്ടത് പ്രവാചകനെക്കുറിച്ച് വിവാദ പരാമർശമുന്നയിച്ച ബി.ജെ.പി മുൻ വക്താവ് നൂപൂർ ശർമ്മയെ പിന്തുണച്ചതിന്റെ പേരിലാണെന്നതിന് പൊലീസിന് തെളിവുകള്‍ ലഭിച്ചിട്ടുണ്ട്. എന്നാൽ കേസിന്റെ സ്വഭാവം അനുസരിച്ച് അക്കാര്യത്തിൽ കൂടുതൽ വെളിപ്പെടുത്താനാവില്ലെന്ന് പൊലീസ് കമ്മീഷണർ ആർതി സിംഗ് വാർത്താസമ്മേളനത്തിൽ പറഞ്ഞു.

കേസിൽ ദേശീയ അന്വേഷണ ഏജൻസി (എൻഐഎ) അന്വേഷണം ആരംഭിച്ചിട്ടുണ്ട്. ആദ്യ ഘട്ടത്തിൽ കൊലപാതകം മോഷണത്തിന്റെ ഭാഗമാണെന്ന നിഗമനത്തിൽ എത്തി വേണ്ടത്ര ഗൗരവം നൽകാതിരുന്നതിൽ പൊലീസ് ഉദ്യോഗസ്ഥർക്കെതിരെ നടപടി ഉണ്ടായേക്കും.രാഷ്ട്രീയ കാരണങ്ങളാൽ യഥാർത്ഥ കാരണങ്ങൾ പൊലീസ് മറച്ചുവെക്കാൻ ശ്രമിക്കുകയാണെന്ന് ആരോപിച്ച് ബി.ജെ.പി രംഗത്തെത്തിയിട്ടുണ്ട്.