തൃശൂരിൽ‌ വെളിച്ചെണ്ണ മില്ലിന് തീപ്പിടിച്ചു; കത്തി നശിച്ച് യന്ത്രങ്ങൾ

തൃശൂർ: ഇരിങ്ങാലക്കുടയിൽ വെളിച്ചെണ്ണ മില്ലിന് തീപ്പിടിച്ചു. കല്ലംകുന്ന് സർവീസ് സഹകരണ ബാങ്കിന്റെ ഉടമസ്ഥതയിലുള്ള വെളിച്ചെണ്ണ മില്ലിനാണ് തീപ്പിടിച്ചത്‌. മൂന്ന് യൂണിറ്റ് ഫയർഫോഴ്സ് എത്തിയാണ് തീ അണക്കാനായത്.

രാത്രി 12ന് ശേഷമാണ് സംഭവം. നാല് ടണ്ണോളം വെളിച്ചെണ്ണ സൂക്ഷിച്ചിരുന്ന ഇടത്താണ് തീപ്പിടിത്തമുണ്ടായത്. രാത്രി ഷിഫ്റ്റ്‌ കഴിഞ്ഞ് തൊഴിലാളികൾ മടങ്ങിയ ശേഷമാണു അപകടം.

തീപ്പിടിത്തത്തിൽ യന്ത്രങ്ങൾ പൂർണമായും കത്തി നശിച്ചു. കൊപ്ര സംഭരണ ശാലയിലേക്കും സമീപത്തെ പലഹാര നിർമാണ യൂണിറ്റിലേക്കും തീ പടരാതിരുന്നത് വലിയ അപകടം ഒഴിവാക്കി.

ഉച്ചയ്ക്ക് ഒരു മണിയോടെയാണ് പൂർണമായും തീയണച്ചത്. കെട്ടിടത്തിനും വൻ നാശനഷ്ടമുണ്ടായി. അതേസമയം, അപകട കാരണം വ്യക്തമല്ല.